Azərbaycan futbol tarixinin ən bahalı transferləri açıqlanıb
MDB ölkələrinin ən bahalı transferlərinin siyahısı açıqlanıb.
YeniAvropa xarici KİV-ə istinadla xəbər verir ki, cədvəldə Azərbaycan futbolçuları da yer alıblar.
Azərbaycan tarixində bir klubdan digərinə ən yüksək məbləğ qarşılığında keçən oyunçu Narvik Sirxayev göstərilib. Yığmanın sabiq üzvü 2001-ci ildə Rusiyada “Anji”ni Moskva “Lokomotiv”inə 1 milyon avroya dəyişib.
Azərbaycanın ən tanınmış simalarından sayılan Vəli Qasımov bu baxımdan ikinci pillədədir. 55 yaşlı mütəxəssis 1992-ci ildə Rusiyanın “Dinamo” (Moskva) klubundan İspaniya təmsilçisi “Betis”ə 600 000 avroya keçib.
Üçüncü yeri bölüşən futbolçular hazırda karyeralarını davam etdirirlər. “Qarabağ”ın formasını geyinən Bəhlul Mustafazadəni 2021-ci ildə Birləşmiş Ərəb Əmirlikləri klubu “Əl-Ayn” 500 000 avroya “Sabah”dan transfer edib. Lakin müdafiəçi adıçəkilən komandada debüt etməyə vaxt tapmamış Vətənə qayıdıb və “Qarabağ”la anlaşıb.
Futbolun sirlərini Almaniyada öyrənən Azərbaycan yığmasının hücumçusu Renat Dadaşov da 2019-cu ildə Portuqaliya “Eştoril”indən İngiltərə klubu “Vulverhempton”a eyni qiymətə keçib. Ancaq forvard heç bir rəsmi görüşdə iştirak etmədən Premyer Liqa klubundan ayrılıb.
Ölkə daxilində bir klubdan digərinə ən baha qiymətə transfer olunan futbolçu Elnur Allahverdiyev sayılır. Millinin sabiq müdafiəçisini “Qəbələ” 2013-cü ildə “Xəzər Lənkəran”dan 450 000 avroya heyətinə qatıb.
Yazıda vurğulanıb ki, Riçard Almeyda 2012-ci ildə Braziliya klubu “Santo Andre”dən “Qarabağ”a yüksək məbləğə keçsə də, sonradan milliləşdirildiyi üçün siyahıya salınmayıb.
Qeyd edək ki, MDB ölkələrinin ən bahalı futbolçusu ukraynalı Mixail Mudrikdir. 22 yaşlı yarımmüdafiəçi bu ay ölkəsinin Donetsk “Şaxtyor”undan İngiltərə klubu “Çelsi”yə 100 milyon avroya keçib. Bu məbləğin 30 milyon avrosu bonus kimi nəzərdə tutulub.
Almaniya Azərbaycanı COP29-da dəstəkləməyə hazırdır
İlham Əliyev Almaniyaya işgüzar səfərə gəlib
Milli Məclisin sədri Monteneqroya rəsmi səfərə gedib
Xocalının Malıbəyli kəndində aşkarlanmış insan qalıqlarının sayı 8-ə çatıb
Prezidentinin Administrasiyasının may ayında vətəndaşların qəbulu CƏDVƏLİ
Azərbaycan-Ermənistan sərhəddə artıq 20 sərhəd dirəyi quraşdırılıb
Cüdoçumuz Avropa çempionatında gümüş medal qazanıb
"Bakcell" ilə innovasiya dövrü başlayır
Azərbaycan-Macarıstan enerji əməkdaşlığı müzakirə edilib
Milli Məclis Avropa Parlamentinin qətnaməsinə münasibət bildirib
Sadır Japarovun Azərbaycana rəsmi səfəri başa çatdı
Gələn həftə ibtidai siniflərdə əlavə yaz tətili başlanır
Azərbaycan-Qazaxıstan hərbi əməkdaşlığı müzakirə edilib
İlham Əliyevlə Sadır Japarov Ağdamda Şahbulaq qalasında olub
Bakıda dünya qastroenteroloqlarının konqresi işə başlayıb
Azərbaycan və Qırğızıstan prezidentləri Ağdam Konfrans Mərkəzində olublar
Macarıstan Qarabağın minalardan təmizlənməsinə dəstək verməyə hazırdır
Sabah Bakıda 29° isti olacaq
Baş Prokurorluqdan Nəsib Quliyevin intiharı ilə bağlı açıqlama
İlham Əliyevlə Sadır Japarov Ağdam Cümə məscidinin açılışında iştirak edib
Bakıda Türk dövlətləri parlamentlərinin komitə sədrlərinin iclası keçirilir
Macarıstan şirkətlərinin Qarabağın bərpasında iştirak edəcək
Azərbaycan və Qırğızıstan prezidentləri Ağdama səfər edib
Macarıstanın xarici işlər naziri Azərbaycana səfərə gəlib
“Qarabağ”la “Zirə” Azərbaycan Kubokunun finalına qarşılaşacaq