Təbrizdə 20 Yanvar şəhidlərinin xatirəsi anılıb
Azərbaycanın Təbrizdəki Baş konsulluğunun təşkilatçılığı ilə 20 Yanvar - Ümumxalq Hüzn Gününə həsr olunmuş fotosərgi keçirilib.
YeniAvropa xəbər verir ki,sərgidə İranın dövlət rəsmiləri, Türkiyənin Təbrizdəki baş konsulu, Təbrizdə yaşayan Azərbaycan vətəndaşları və mətbuat nümayəndələri iştirak ediblər.
Azərbaycanın azadlığı və ərazi bütövlüyü uğrunda canlarından keçmiş şəhidlərin xatirəsi bir dəqiqəlik sükutla yad edilib.
Baş konsul Əliyənnağı Hüseynov çıxış edərək 20 Yanvar faciəsinin səbəb və nəticələrindən danışıb.
Qeyd olunub ki, 20 Yanvar tarixi həm misli görülməmiş qanlı faciə, həm də istiqlaliyyətə aparan dönməz mübarizə və qəhrəmanlıq dastanı kimi Azərbaycan tarixinə həkk olunub. Yanvar faciəsinə gedən yol azərbaycanlıların Ermənistandakı tarixi torpaqlarından növbəti kütləvi deportasiyasının, Qarabağın Ermənistana birləşdirilməsi cəhdlərinin geniş vüsət aldığı 1987-ci ildən başlanıb. Artan xətt üzrə davam edən gərginliyin səbəblərini ortadan qaldırmaq əvəzinə, sovet rəhbərliyi Azərbaycan xalqına qarşı dəhşətli cinayət törətməyi seçdi. Ümumxalq hərəkatının qarşısını almaq və xalqımızın müstəqillik əzmini qırmaq məqsədi güdən SSRİ Ali Sovetinin Rəyasət Heyəti 1990-cı il yanvarın 19-da Azərbaycan SSR Ali Sovetinin razılığı olmadan yanvarın 20-də saat 00:00-dan etibarən “Bakı şəhərində fövqəladə vəziyyət tətbiq edilməsi haqqında” fərman verdi. Xalqı qəfildən yaxalamaq, ona divan tutmaq üçün qoşunlardan istifadə ediləcəyi, aman verilməyəcəyi, ən başlıcası fövqəladə vəziyyətin elan olunacağı vaxt gizli saxlanıldı. Azərbaycan televiziyasının enerji bloku partladıldı. Bakıya daxil olan qoşun yaşayış evlərini, təcili yardım maşınlarını, nəqliyyat vasitələrini atəşə tutdu, küçədən təsadüfən keçənləri tankların tırtılları altına saldılar. Keçmiş sovet hərb maşınının Azərbaycanda törətdiyi bu qanlı qırğın mahiyyətinə görə dövlətin öz vətəndaşlarına qarşı tarixdə misli görünməmiş təcavüz aktı və qətliam idi.
Bildirilib ki, belə bir ağır şəraitdə xalqımızın böyük oğlu, Ulu Öndər Heydər Əliyev etiraz səsini ucaltdı. Sovet imperiyasının bütün təzyiqlərinə baxmayaraq Ümummilli Lider Heydər Əliyev yanvarın 21-də öz ailə üzvləri ilə birlikdə Azərbaycan SSR-in Moskvadakı Daimi Nümayəndəliyinə gələrək mətbuat nümayəndələri qarşısında çıxış etdi və SSRİ rəhbərliyini tənqid atəşinə tutdu. Ulu Öndər Heydər Əliyev qorxmadan, özü və ailəsi üçün yaranmış real təhlükəyə baxmayaraq Mixail Qorbaçov başda olmaqla, SSRİ rəhbərliyinin əsl simasını göstərdi.
Sovet ordusunun törətdiyi 20 Yanvar faciəsi xalqın iradəsini qıra bilmədi və azadlıq mübarizəsi 1991-ci ildə Azərbaycan Respublikasının öz müstəqilliyini bərpa etməsi ilə nəticələndi. Buna görə də, həmin gün baş verənlər faciə olmaqla yanaşı, həm də xalqımızın iradəsinin sarsılmazlığını, mətinliyini göstərən tarixi hadisədir.
20 Yanvar faciəsinə Azərbaycanda ilk dəfə dövlət səviyyəsində hüquqi-siyasi qiymət 1994-cü il martın 29-da Ümummilli Lider Heydər Əliyevin təşəbbüsü ilə verildi və 20 Yanvar Ümumxalq Hüzn Günü elan edildi.
Hər il yanvar ayının 20-də Prezident İlham Əliyev başda olmaqla, bütün dövlət və ictimaiyyət nümayəndələri Şəhidlər xiyabanını ziyarət edir və şəhidlərə öz ehtiramlarını bildirirlər.
Çıxışlardan sonra mərasim iştirakçıları 20 Yanvar faciəsinə həsr olunan videoçarxa baxıb və fotosərgi ilə tanış olublar.
Əfv Komissiyasında 100-dən artıq müraciətə baxılıb
Lavrov Bayramovla Laçın dəhlizindəki vəziyyəti müzakirə edib
Əvəz Zeynallı Bakı İstintaq Təcridxanasına köçürülüb
Azərbaycanda İranın casus şəbəkəsinə qarşı xüsusi əməliyyat keçirilib
FIDE-nin reytinqində Teymur 11-ci,Şəhriyar isə 15-ci sıradadır
Terrorçuluğun maliyyələşdirilməsinə qarşı yeni cinayət məsuliyyəti müəyyənləşib
Paytaxtda 3 marşrutun hərəkət istiqaməti dəyişdirilir
Prezident Naxçıvanın prokurorunu vəzifəsindən azad edib
ABŞ İrana qarşı yeni sanksiyalar tətbiq edib
Bu gün Azərbaycanda 444 doza vaksin vurulub
Azərbaycan və Ukrayna iş adamları arasında əməkdaşlıq müzakirə olunub
Azərbaycanda daha 35 nəfər koronavirusa yoluxub, 4 nəfər ölüb
Ötən il Türkiyəyə 44 milyondan çox turist gəlib
“Eurovision 2023”ün loqo və şüarı təqdim olunub
İctimai nəqliyyatda gediş haqqı 40 qəpik olacaq
Tarif Şurasının iclası keçirilib
Ötən il Azərbaycanda 322,3 min ton pambıq yığılıb
Ərdoğan YAP Gənclər Birliyinin nümayəndə heyətini qəbul edib
Sabahdan ipoteka kreditləri üzrə ərizə qəbuluna başlanır
Ağstafada kənd bələdiyyə sədrinə cinayət işi açılıb
Sabahdan banklardakı əmanətlər vergiyə cəlb olunacaq
Məhəmməd Əmin Rəsulzadənin anadan olmasından 139 il ötür
İrandakı terror hadisəsi ilə bağlı qeyri-dəqiq məlumatlar yayımlanır-DTX
Polis pytqaxtda keçmiş məhkumu tapança ilə saxlayıb
Bəzi magistral avtomobil yollarında görmə məsafəsi azalacaq