“Avropada Təhlükəsizlik və Əməkdaşlıq Təşkilatı(ATƏT) Ermənistanla Azərbaycan arasında münasibətlərin normallaşması prosesinə diqqət yetirəcək”.
YeniAvropa xəbər verir ki, bunu Şimali Makedoniyanın xarici işlər naziri, ATƏT-in fəaliyyətdə olan sədri Buyar Osmani Vyanada keçirdiyi mətbuat konfransında deyib.
44 yaşlı siyasətçi bildirib ki, daha əvvəl Azərbaycan və Ermənistanın xarici işlər nazirləri - Ceyhun Bayramov və Ararat Mirzoyanla telefonla danışıb və regiondakı mövcud vəziyyəti müzakirə ediblər: “Bəli, Ukraynadakı müharibə mövzusu bizim əsas təhlükəsizlik prioritetimizdir. Lakin ATƏT regionunda digər potensial böhranların ortaya çıxması da diqqət mərkəzimizdədir”.
Daha əvvəl B.Osmaninin Azərbaycana və Ermənistana səfər etməyi planlaşdırdığı barədə məlumat verilmişdi.
1190
1190
