logo

Zelenski Ərdoğana təşəkkür edib

21:12 18-11-2022 | icon 1848
Zelenski Ərdoğana təşəkkür edib

Ukrayna prezidenti Volodimir Zelenski ilə Türkiyə prezidenti Rəcəb Tayyib Ərdoğan arasında telefon danışığı olub.

YeniAvropa xəbər verir ki, bu barədə Volodimir Zelenski özünün "Twitter" hesabında məlumat paylaşıb.

"Mən taxıl sazişinin davam etdirilməsini alqışladım. #GrainFromUkraine təşəbbüsümüzə verdiyi dəstəyə görə təşəkkür etdim. Mən əmin etdim ki, Ukrayna ərzaq sabitliyinin qarantı olaraq qalacaq. Biz, həmçinin enerji əməkdaşlığını müzakirə etdik", - deyə V.Zelenski paylaşımında bildirib.

Qeyd edək ki, bu gün, həmçinin Ərdoğanın Rusiya prezidenti Vladimir Putinlə də telefon danışığı olub. Bildirilir ki, liderlər taxıl müqaviləsinin davam etdirilməsi, eləcə də birgə qaz tranziti mərkəzinin yaradılması məsələlərini müzakirə ediblər.

Bundan əvvəl Rəcəb Tayyib Ərdoğan taxıl müqaviləsinin 120 gün uzadılmasını təsdiqləyib.