"Qəbələ" klubunun 19 yaşadək futbolçulardan ibarət komandası bu gün UEFA Gənclər Liqasında mübarizəyə start verəcək.
YeniAvropa xəbər verir ki, Zaur Hacıyevin baş məşqçi olduğu komanda I mərhələnin ilk oyununda Xorvatiyada "Hayduk"la üz-üzə gələcək.
"Polyud" stadionundakı qarşılaşma Bakı vaxtı ilə saat 19:00-da başlayacaq. Görüşü David Smaytsın başçılıq etdiyi sloveniyalı hakimlər idarə edəcək.
Qeyd edək ki, cavab görüşü oktyabrın 4-də Qəbələdə olacaq.