logo

Azərbaycanın Londondakı səfirliyinə hücum edənlərdən 8 nəfər həbs edilib

10:20 05-08-2022 | icon 686
Azərbaycanın Londondakı səfirliyinə hücum edənlərdən 8 nəfər həbs edilib

Böyük Britaniyanın Azərbaycandakı səfirliyi avqustun 5-də ölkəmizin Londondakı səfirliyində baş verən insidentlə bağlı açıqlama yayıb.

Səfirlikdən YeniAvropa-ya bildirilib ki, Böyük Britaniya Azərbaycanın Londondakı səfirliyinə daxil olan etirazçıların hərəkətlərini pisləyir və hazırda bu məsələ ilə bağlı hərtərəfli araşdırma aparır. Polis binanın içərisindəki səfirliyin əməkdaşlarını təhlükəsiz şəkildə təxliyə edib, daha sonra etirazçıları oradan uzaqlaşdırıb, 8 nəfər həbs edilib.

Böyük Britaniya ölkədəki diplomatik nümayəndəliklərin qorunmasına zəmanət vermək öhdəliyinə ciddi yanaşır və polis müvafiq təhlükəsizlik tədbirlərinin görülməsini təmin etmək üçün Azərbaycan səfirliyi ilə əlaqə saxlayır.

Xatırladaq ki, sosial mediada yayılan video görüntülərdə bir neçə naməlum şəxsin Londonda Azərbaycan səfirliyinin yerləşdiyi binanın balkonuna çıxdığı və şüarlar qışqırdığı, pəncərə və divarlarda ərəbcə yazılar və plakatlar görünür.

 

Video kadrlarda bir kişinin balkonda sancılan Azərbaycan bayrağını çıxarıb tulladığı, yerinə ərəbcə sözlər yazılmış mavi bayraq asdığı da görünür.