logo

Baş Dövlət Yol Polisi İdarəsi sürücülərə müraciət edib

10:50 03-08-2022 | icon 448
Baş Dövlət Yol Polisi İdarəsi sürücülərə müraciət edib

Daxili İşlər Nazirliyinin Baş Dövlət Yol Polisi İdarəsi sürücülərə müraciət edib.

Baş Dövlət Yol Polisi İdarəsindən YeniAvropa-ya daxil olan müraciətdə deyilir: “İdarə etdiyiniz nəqliyyat vasitəsi ilə yollarda xüsusi texniki vasitələrə yaxınlaşdıqda sürəti azaldıb daha sonra yenidən sürət rejiminə əməl etməməklə siz öz həyatınızı riskə atmış olursunuz.

Unutmayın nəqliyyat vasitəsini yüksək sürətlə idarə etmək ağır qəza ehtimalının və ölümlə nəticələnən qəza hallarının artmasına səbəb olur. Məsələn orta sürətin hər 1 kilometr/saat artması ölümcül xəsarətləri dörd faiz, ciddi xəsarətləri isə üç faiz artırır. Gəlin yol-hərəkəti qaydalarına riayət etməklə özümüzün və digər yol hərəkəti iştirakçılarının həyatlarına dəyər verək”.