logo

Cəbrayıldakı “Qız Qalası” hidroqovşağında naməlum kişi meyiti tapılıb

14:31 29-07-2022 | icon 721
Cəbrayıldakı “Qız Qalası” hidroqovşağında naməlum kişi meyiti tapılıb

İyulun 20-də saat 15 radələrində Araz çayının işğaldan azad edilmiş Cəbrayıl rayonunun, Xələfli qəsəbəsi ərazisindən keçən hissəsində salınmış “Qız Qalası” hidroqovşağında təxminən 25-30 yaşlarında, hər iki qol və ayaqları plastmas qandalla bağlanmış vəziyyətdə naməlum kişi meyiti tapılıb.

YeniAvropa xəbər verir ki, bu barədə Cəbrayıl rayon Prokurorluğundan məlumat verilib.

Faktla bağlı Cəbrayıl rayon Prokurorluğunda Cinayət Məcəlləsinin 120.1-ci (qəsdən adam öldürmə) maddəsi ilə cinayət işi başlanıb.

Meyitin xarici müayinəsi zamanı müəyyənləşdirilib ki, boyu 176 santimetr, qarnın aşağı üçdə bir hissəsində qara rəngdə üzərində sarı metaldan muncuqları olan qadın şalı bədəninə düyünlənərək bağlanmış, əynində isə “XL” ölçüdə, ön hissəsində “Reebok” yazısı olan çəhrayı rəngli köynək vardır.

Göstərilən əlamətlərə uyğun gələn naməlum kişi meyitinin şəxsiyyətinin müəyyən edilməsi üçün məlumatı olan vətəndaşlardan Cəbrayıl rayon Prokurorluğu ilə (026–384–39–03; mob: 055–964–84–81) əlaqə saxlamaları xahiş olunur.