logo

“Eurovision 2023” mahnı müsabiqəsi Böyük Britaniyada keçiriləcək

13:53 25-07-2022 | icon 4214
“Eurovision 2023” mahnı müsabiqəsi Böyük Britaniyada keçiriləcək

“Eurovision 2023” mahnı müsabiqəsinin Böyük Britaniyada keçiriləcəyi rəsmiləşib.

YeniAvropa xəbər verir ki, bu barədə Avropa Yayım İttifaqı məlumat yayıb.

Bildirilib ki, builki müsabiqədə qalib gələn Ukrayna Böyük Britaniyada keçiriləcək yarışmada birbaşa finala vəsiqə qazanacaq.

Xatırladaq ki bu ilin mayında keçirilmiş mahnı müsabiqəsində Ukraynanın "Kalush Orchestra" qrupu Stefania kompozisiyası ilə qalib gəlib. İkinci yeri 466 bal toplayan Böyük Britaniya təmsilçisi Sem Rayder tutub.

Lakin Rusiyanın işğalçılıq müharibəsinə başlaması səbəbindən Ukrayna ölkədəki mövcud vəziyyətlə bağlı “Eurovision 2023” beynəlxalq mahnı müsabiqəsini təşkil edə bilməyəcəyi barədə Avropa Yayım Birliyinə müraciət edib.

“Eurovision”  1956-cı ildən keçirilməyə başlayan ən populyar qeyri-idman tədbirlərdən biridir, onun 600 milyonadək tamaşaçı auditoriyası var.