logo

5 ayda Azərbaycanda 14 milyon tonadək neft hasil edilib

17:27 10-06-2022 | icon 1764
5 ayda Azərbaycanda 14 milyon tonadək neft hasil edilib

Cari ilin yanvar-may ayları üzrə operativ məlumatlara əsasən, Azərbaycanda 13,9 milyon ton neft(kondensatla birlikdə) hasil edilib.

Energetika Nazirliyindən YeniAvropa-ya bildirilib ki,respublika üzrə neft hasilatının 8,8 milyon tonu “Azəri-Çıraq-Günəşli”nin, 1,9 milyon tonu(kondensat) “Şahdəniz”in payına düşüb. SOCAR üzrə neft(kondensatla birlikdə) hasilatı 3,2 milyon ton təşkil edib.

Hesabat dövründə 11,4 milyon ton neft(kondensatla birlikdə) ixraca nəql olunub. Bunun 10,7 milyon tona yaxın hissəsi konsorsiumun, 696 min tonu isə SOCAR-ın payına düşür.