Azərbaycan-Qazaxıstan parlamentlərarası əlaqələri müzakirə edilib
Milli Məclis sədrinin müavini, Gənclər və idman komitəsinin sədri, Qazaxıstanla parlamentlərarası əlaqələr üzrə işçi qrupunun rəhbəri Adil Əliyev ölkəmizdə səfərdə olan Qazaxıstan Respublikası Parlament Məclisinin deputatları Əbülfəs Xamedov, Zarina Kamasova və Güldara Nurumova ilə görüşüb.
Parlamentin Mətbuat və ictimaiyyətlə əlaqələr şöbəsindən YeniAvropa-ya bildirilib ki, qarşılıqlı səfərlərin münasibətlərimizin inkişafında əhəmiyyətli rol oynadığını diqqətə çatdıran Adil Əliyev ölkələrimiz arasında dostluq əlaqələrinin dinamik inkişaf etdiyini vurğulayıb.
Əlaqələrin möhkəmləndirilməsində parlamentlər səviyyəsində əməkdaşlığın önəmindən bəhs edən Milli Məclis sədrinin müavini Azərbaycanın 44 günlük Vətən müharibəsində qazandığı Zəfərdən danışıb. O, rəşadətli Azərbaycan Ordusunun uzun illər erməni işğalı altında qalmış torpaqlarımızı azad etdiyini, ölkəmizin ərazi bütövlüyünü bərpa etdiyini bildirib. Azərbaycanın qazandığı Qələbədən sonra bölgədə sabitliyin bərqərar olduğunu, yeni reallıqların formalaşdığını vurğulayan A.Əliyev bu reallıqların region ölkələrinin sülh və əmin-amanlıq şəraitində inkişaf etməsi üçün şərait yaratdığını diqqətə çatdırıb.
Milli Məclis sədrinin müavini Ermənistandakı bəzi qüvvələrin bu gün də sülhə maneə olmağa cəhd göstərdiklərini təəssüf hissi ilə diqqətə çatdıraraq, onların məğlubiyyəti qəbul etməyərək revanşist çağırışlar səsləndirdiklərini bildirib. A.Əliyev bu mövzuya həsr olunmuş geniş məqaləsinin Qazaxıstan mətbuatında dərc edildiyini də xatırladıb. Azərbaycan torpaqlarının Ermənistan tərəfindən 30 illik işğalı dövründə bu ərazilərin talan edildiyini, tarixi və mədəni abidələrin dağıdıldığını, burada minaların basdırıldığını deyən Milli Məclis sədrinin müavini işğaldan azad edilmiş ərazilərin minalardan təmizlənməsi istiqamətində görülən işlərdən danışıb. Ermənistanın mina xəritələrini hələ də tam təhvil vermədiyini bildirən A.Əliyev həmin yerlərdə mülki vətəndaşların, hərbçilərin minaya düşərək həlak olduqlarını və ya xəsarət aldıqlarını qeyd edib.
Hazırda Qarabağda genişmiqyaslı bərpa və quruculuq işlərinin həyata keçirildiyini söyləyən Milli Məclis sədrinin müavini yeni infrastrukturun qurulduğunu, yolların salındığını, hava limanlarının inşa edildiyini bildirib.
Qazaxıstan Respublikası Parlament Məclisinin deputatları Azərbaycanın qazandığı tarixi Qələbəyə görə bir daha öz təbriklərini çatdırıb, ölkələrimiz arasında iqtisadi, mədəni, humanitar və digər sahələrdə əməkdaşlığın inkişaf etdiyini bildiriblər.
Qonaqlar parlamentlər səviyyəsində əlaqələrin genişləndirilməsinin vacibliyini söyləyiblər. Parlamentlərarası dostluq qruplarının bu əlaqələrin inkişafında rolundan bəhs ediblər. Parlament nümayəndə heyətlərinin qarşılıqlı səfərlərinin, keçirilən görüşlərin təcrübə və informasiya mübadiləsi baxımından önəmli olduğunu bildiriblər.
Söhbət zamanı qarşılıqlı maraq doğuran digər məsələlər ətrafında da fikir mübadiləsi aparılıb.
Görüşdə Qazaxıstanla parlamentlərarası əlaqələr üzrə işçi qrupunun üzvləri Sadiq Qurbanov, Sevinc Hüseynova, Anar Məmmədov, Razi Nurullayev iştirak ediblər.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir