logo

İsveçrə “Pekin-2022”  Qış Olimpiya Oyunlarını təxirə salmağa çağırdı

16:28 06-01-2022 | icon 2436
İsveçrə “Pekin-2022”  Qış Olimpiya Oyunlarını təxirə salmağa çağırdı

İsveçrə Milli Olimpiya Komitəsi (IMOK) Beynəlxalq Olimpiya Komitəsini (IOC) “Pekin-2022” Qış Olimpiya Oyunlarını təxirə salmağa çağırıb.

YeniAvropa xarici KİV-ə istinadla xəbər verir  ki,  bu təşəbbüslə IMOK-un rəhbəri Ralf Ştokli çıxış edib.

O, müraciətində hər gün idmançıların koronavirus infeksiyasına yoluxmasının dərin narahatlıq doğurduğunu qeyd edib. “Bizim Qış Olimpiya Oyunlarının açılış mərasiminədək çox az vaxtımız var. Belə olan halda yarışın təxirə salınması barədə düşünə bilərik. Əgər Olimpiadaya güclü idmançılar getməyəcəksə, bu zaman vəziyyət daha pis olacaq. Bu, tələb deyil. Biz bu variantın müzakirə olunmasını istəyirik. Qış idman növlərinin inkişaf etdiyi Avropa ölkələrində vəziyyət daha çətindir. Bütün bunlar nəzərə alınmalıdır”, - deyə R.Ştokli bildirib.

Qeyd edək ki, “Pekin-2022” Qış Olimpiya Oyunları fevralın 4-dən 20-dək keçiriləcək. Yarışda Azərbaycanı hələlik fiqurlu konkisürənlər Vladimir Litvintsev və Yekaterina Ryabovanın təmsil etməsi dəqiqləşib.