logo

Azərbaycan futbol millisinin baş məşqçi Kosovo yığmasına keçir?

13:14 14-10-2021 | icon 1603
Azərbaycan futbol millisinin baş məşqçi Kosovo yığmasına keçir?

Futbol üzrə Azərbaycan millisinin baş məşqçi Canni De Byazinin gələcək taleyinə müqaviləsi başa çatdıqdan sonra aydınlıq gələcək.

YeniAvropa xəbər verir ki, bu barədə  AFFA-nın Mətbuat və ictimaiyyətlə əlaqələr şöbəsinin müdiri Firuz Abdulla məlumat verib.

Onun sözlərinə görə, seçmə mərhələ başa çatandan sonra 65 yaşlı italiyalı mütəxəssisin hesabatı AFFA İcraiyyə Komitəsinə (İK) təqdim olunacaq: "Daha sonra İK bu məsələni müzakirə edəcək. Milli komandaya baş məşqçi təyin olunması, müqavilənin uzadılıb-uzadılmaması ilə bağlı məsələrə dair qərar qəbul etmək səlahiyyəti İK-dədir. Hələlik müqaviləsi var və sözləşməsinə uyğun olaraq millinin baş məşqçisi kimi fəaliyyətini davam etdirir".

AFFA rəsmisi De Byazinin Kosovo yığmasının sükanı arxasına keçmək istəməsi ilə bağlı yayılan xəbərə də münasibət bildirib: "De Byazi mənimlə əlaqə saxlayaraq dedi ki, heç bir mətbu orqana orada göstərilən şəkildə açıqlama verməyib və Kosovo Futbol Federasiyasından onunla heç kim əlaqə saxlamayıb, bu söhbətin haradan qaynaqlandığı ilə bağlı təsəvvürü yoxdur. Yəni, xarici mətbuatda yazılanlar həqiqəti əks etdirmir. Heç kimə elə sözlər demədiyini söylədi".

Qeyd edək ki, "İndeksonline" nəşri Canni De Byazinin Kosovo yığmasının sükanı arxasına keçmək istədiyini yazıb.

Xatırladaq ki, futbol üzrə Azərbaycan milli komandasının baş məşqçisi Canni De Byazi ilə ötən ilin yayında 1,5 illik müddətə müqavilə imzalanıb. Onun Azərbaycan millisi ilə müqavilsi DÇ-2022-nin seçmə mərhələsinin sonunda başa çatacaq.