Gürcüstanın Batumi şəhərindəki 26 May küçəsində yerləşən beşmərtəbəli yaşayış binasının çökmüş blokunun dağıntıları altından ikisi uşaq olmaqla 4 nəfər çıxarılıb.
YeniAvropa yerli mətbuata istinadla xəbər verir ki, həmin şəxslər xəstəxanaya çatdırılıb.
Batumi meriyasının məlumatına əsasən, binanın çökmüş blokunda 15 ailə yaşayıb.Odur ki, dağıntılar altında hələ 20-yə yaxın insanın qaldığı ehtimal edilir.
Meriyadan verilən məlumata görə, bina yaşayış üçün yararlı olub və tikili amortizasiyaya uğramayıb.
Gürcüstanın Daxili İşlər Nazirliyi faktla bağlı istintaqa başlayıb.