logo

İndiyədək 313 nəfər COVID-19 infeksiyasına qarşı əks-göstəriş sertifikatı alıb

14:54 01-09-2021 | icon 1470
İndiyədək 313 nəfər COVID-19 infeksiyasına qarşı əks-göstəriş sertifikatı alıb

Bu günə qədər 313 nəfər yeni növ koronavirus (COVID-19) infeksiyası ilə əlaqədar əks-göstəriş sertifikatı alıb.

Səhiyyə Nazirliyinin mətbuat xidmətindən YeniAvropa-ya  verilən məlumata görə, əks-göstəriş sertifikatının verilməsi ilə bağlı tibb müəssisələrinə olunan müraciətlərin çoxluğu, əsassız müraciətlər və göndərilən sənədlərin bəzən düzgün doldurulmaması müəyyən gecikmələrə səbəb olur.

Məlumatda qeyd olunub ki, nazirlik vətəndaşların narazılığını anlayır, lakin göndərilən müraciətlərin komissiya tərəfindən araşdırılması müəyyən qədər vaxt aparır.

Xatırladaq ki, əks-göstəriş sertifikatının verilməsinə avqustun 9-dan başlanılıb.