Avropa İttifaqı(Aİ) Şurasının prezidenti Şarl Mişel bu həftə Azərbaycana səfər edəcək.
YeniAvropa xəbər verir ki, bu barədə qurumun mətbuat xidməti məlumat yayıb. Bildirilib ki, Aİ Şurasının prezidenti iyulun 16-da İrəvana yola düşəcək. O, iyulun 17-də İrəvanda, iyulun 18-də isə Bakıda ölkə rəhbərləri ilə görüşlər keçirəcək.
Səfər zamanı Avropa İttifaqı ilə Azərbaycan arasında əməkdaşlığın gücləndirilməsinə dair müzakirələr aparılacaq.
İyulun 19-da isə Aİ Şurasının prezidenti Gürcüstanın Avropa İttifaqına inteqrasiyasına həsr olunan 17-ci Batumi Beynəlxalq Konfransında iştirak edəcək.