logo

İranın yeni prezidenti Qarabağın azad olunmasına görə İlham Əliyevi təbrik edib

15:35 15-07-2021 | icon 483
İranın yeni prezidenti Qarabağın azad olunmasına görə İlham Əliyevi təbrik edib

İran İslam Respublikasının yeni prezidenti Seyid İbrahim Rəisi Azərbaycan Prezidenti İlham Əliyevi təbrik edib.

 YeniAvropa xəbər verir ki, bu barədə İranın Azərbaycandakı səfirliyi "Twitter" hesabında məlumat paylaşıb.

Seyid İbrahim Rəisi prezident İlham Əliyevdən səmimi təbrik məktubu almasından məmnunluq ifadə edərək bildirib ki, iki dost, qardaş və qonşu ölkənin əlaqələri xalqlarımızın qardaşlıq bağlarına, ortaq mədəniyyətinə və tarixinə söykənir.

Rəisi sonra işğal olunmuş ərazilərin azad edilərək Azərbaycanın öz milli hakimiyyətini bu ərazilərdə bərpa etməsi və dövlət sərhədlərinə nəzarətin təmin olunması münasibətilə prezident Əliyevi təbrik edib.

İranın yeni seçilmiş prezidenti bildirib ki, yeni fürsətlərdən faydalanaraq və məsləhətləşmə yolu ilə əməkdaşlıq yüksələn templə inkişaf edəcək, bölgədə sabitliyin və əmin-amanlığın möhkəmlənməsinə öz töhfəsini verəcək.