logo

Moldovada növbədənkənar parlament seçkiləri keçirilir

09:41 11-07-2021 | icon 1785
Moldovada növbədənkənar parlament seçkiləri keçirilir

Bu gün yerli vaxtla saat 07:00-dan Moldovada növbədənkənar parlament seçkiləri ilə əlaqədar səsvermə prosesi başlayıb.

 YeniAvropa xəbər verir ki, səsverməni yerli və xarici müşahidəçilər izləyir. Xarici müşahidəçilər arasında Azərbaycanın Mərkəzi Seçki Komissiyası aparatının nümayəndələri də var.

Moldovada erkən parlament seçkilərində 20 partiya, iki siyasi blok və bir müstəqil namizəd iştirak edir. Yerli rəy sorğularına görə, respondentlərin 33 faizi Moldova Prezidenti Maya Sandunun rəhbəri olduğu “Fəaliyyət və Həmrəylik” partiyasına, 19 faizi isə sabiq prezident İqor Dodonun sədri olduğu “Sosialistlər” partiyasına səs verib.

Onu da xatırladaq ki, parlament buraxılanadək “Fəaliyyət və Həmrəylik” partiyası Moldova parlamentində 15 mandata sahib idi. Ən çox deputat yeri isə sosialistlərin əlində idi. Onlar 37 mandatla təmsil olunurdular.

Səsvermə yerli vaxtla 21:00-da başa çatacaq.