Aİ ölkələri Azərbaycana 21,5 milyard dollardan çox investisiya yatırıb
İqtisadiyyat naziri Mikayıl Cabbarov və energetika naziri Pərviz Şahbazov Avropa İttifaqının (Aİ) Qonşuluq və Genişlənmə üzrə komissarı Oliver Varhelyi ilə görüşüblər.
İqtisadiyyat Nazirliyindən YeniAvropa-ya bildirilib ki, görüşdə nazir M.Cabbarov ölkəmizin Avropa İttifaqı ilə əməkdaşlığa böyük önəm verdiyini, aparılan danışıqların xüsusi rolunu vurğulayıb. Qeyd edilib ki, Azərbaycan iqtisadiyyatının genişləndirilməsi və şaxələndirilməsində beynəlxalq təcrübənin tətbiqi baxımından Aİ ilə əməkdaşlıq önəmlidir. Avropa İttifaqı Azərbaycanın əsas ticarət tərəfdaşlarındandır. 2020-ci ildə Azərbaycanın Aİ ölkələri ilə ticarət dövriyyəsi 9,33 milyard ABŞ dolları olmaqla ölkəmizin xarici ticarətində payı 38 faiz təşkil edib. 2012-ci ildən indiyədək Aİ ölkələrinin Azərbaycana yatırdığı investisiya 21,5 milyard dollardan çoxdur.
Nazir hazırda işğaldan azad olunmuş ərazilərimizdə infrastruktur və tikinti layihələrinin həyata keçirilməsinin əsas vəzifələrdən olduğunu, yeni reallıqların investisiya qoyuluşu üçün geniş imkanlar yaratdığını bildirib, Aİ-yə üzv olan ölkələri layihələrdə fəal iştiraka dəvət edib.
Görüşdə energetika naziri P.Şahbazov Aİ ilə enerji tərəfdaşlığı, reallaşdırılan regional əhəmiyyətli layihələr barədə məlumat verib, Azərbaycanın Avropanın enerji təhlükəsizliyində rolunu vurğulayıb, “yaşıl enerji” sahəsində əməkdaşlıq imkanlarını qeyd edib.
Avropa İttifaqının Qonşuluq və Genişlənmə üzrə komissarı O.Varhelyi Aİ-nin ölkəmizlə bir sıra sahələr üzrə səmərəli əməkdaşlığını diqqətə çatdırıb, tərəfdaşlığın gücləndirilməsi istiqamətləri barədə fikirlərini bölüşüb.
Tərəflər işğaldan azad olunmuş ərazilərimizin bərpasında əməkdaşlıq, kiçik və orta biznesin inkişafı, Aİ tərəfindən təklif edilən maliyyə alətləri və investisiyalar üçün prioritet sahələr barədə fikir mübadiləsi aparıblar.
Görüşdə ölkəmizin Belçika Krallığı və Lüksemburq Böyük Hersoqluğundakı səfiri, Avropa İttifaqı yanında nümayəndəliyinin rəhbəri Fuad İsgəndərov və Avropa İttifaqının Azərbaycandakı nümayəndəliyinin rəhbəri Kestutis Yankauskas iştirak ediblər.
“Azneft” İstehsalat Birliyinə yeni baş direktor təyin edilib
“Texnika Bank”ın əmlakları təkrar hərraca çıxarılır
Avropa çempionatı: Minifutbol millimizin mümkün rəqibləri bəlli olub
“Lifttəmir”in direktoruna şiddətli töhmət verilib
Sabah Bakıda 17° isti olacaq
Rusiya Ermənistan-ABŞ-Aİ görüşündən narahatdır
Tanışını öldürən şəxsin məhkəməsi başlayır
Paşinyan: Ermənistan mühacir “Dağlıq Qarabağ hökumətini” tanımır
Magistraturaya qəbul imtahanının ikinci cəhdində iştirak etmək üçün qeydiyyat aparılır
Bu gün 4 rayonda qaz olmayacaq
Salyanda nğqsanlar aşkarlanan məktəbin direktoru işdən çıxarılıb
Mərkəzi Bank uçot dərəcəsini endirib
Ötən gün cinayət törətməkdə şübhəli bilinən 55 nəfər saxlanılıb
Bakıda "COP29"a həsr edilən “Dayanıqlı Tikinti Zirvəsi” keçiriləcək
BMT-nin dünya xoşbəxtlik hesabatı: Finlandiya 7-ci dəfə birinci yerdədir
Lənkəranda zəncirvari qəza: Ata və oğul hadisə yerində ölüb
Azərbaycan nefti 87,51 dollara satılır
Azərbaycan təhlükəsizlik orqanlarının yaranmasından 105 il ötür
Sabiq milli təhlükəsizlik naziri Namiq Abbasov vəfat edib
Paytaxtda liftdə baş vermiş bədbəxt hadisə ilə bağlı komissiya yaradılıb
Rəsmi Bakı Rasmussenin hesabatındakı iddiaları qətiyyətlə pisləyib
Aprel ayında Prezidentinin Administrasiyasının vətəndaşların qəbulu CƏDVƏLİ
Yaxın aylarda 50 ailədən ibarət ilk köç Xocalıya yola salınacaq
Prokurorluq 45 yaşlı qadının liftdə ölməsi faktını araşdırır
Qubada 3-cü “Aqrobiznesin İnkişafı Forumu” keçiriləcək