logo

BOK prezidenti: Tokioda Olimpiya Oyunları mütləq keçiriləcək

13:47 11-06-2021 | icon 581
BOK prezidenti: Tokioda Olimpiya Oyunları mütləq keçiriləcək

Beynəlxalq Olimpiya Komitəsinin (BOK) prezidenti Tomas Bax bir daha bəyan edib ki, pandemiya səbəbindən ötən ildən təxirə salınan "Tokio-2020" Yay Olimpiya və Paralimpiya oyunları planda nəzərdə tutulduğu kimi cari ildə keçiriləcək.

YeniAvropa xarici KİV-ə istinadla xəbər verir  ki, BOK prezidenti bu barədə qurumun İcraiyyə Komitəsinin üç gün davam edən virtual iclasından sonra təşkil edilən mətbuat konfransında deyib.

T.Bax bildirib ki, hazırda BOK digər maraqlı tərəflərlə sıx əməkdaşlıq şəraitində Tokio Oyunlarına hazırlıq işlərini yekunlaşdırmaq üzrədir.

BOK prezidenti qeyd edib ki, o, Tokioya gələn ayın ortalarında - iyulun 23-də keçiriləcək açılış mərasimi ərəfəsində gedəcək. Bu səfər Yaponiyada müəyyən edilmiş karantin qaydalarına uyğun olaraq həyata keçiriləcək.