logo

Sinoptiklərdən xəbərdarlıq:güclü külək,leysan,şimşək,daşqın və sel...

15:05 10-06-2021 | icon 4270
Sinoptiklərdən xəbərdarlıq:güclü külək,leysan,şimşək,daşqın və sel...

Milli Hidrometeorologiya Xidmətinin məlumatına görə, iyunun 11-dən 14-dək Bakıda və Abşeron yarımadasında şimal-qərb küləyinin əsəcəyi, sürətinin 15-18 metr/saniyə olacağı, iyunun 12-si səhər yarımadanın bəzi yerlərində arabir saniyədə 20 metrədək güclənəcəyi gözlənilir.

Xidmətdən YeniAvropa-ya bildirilib ki, iyunun 14-dək Azərbaycanın əsasən şimal və qərb rayonlarında qeyri-sabit hava şəraitinin davam edəcəyi, bəzi yerlərdə şimşək çaxacağı, fasilələrlə yağış yağacağı, ayrı-ayrı yerlərdə leysan xarakterli intensiv olacağı, dolu düşəcəyi ehtimalı var. Qərb küləyi əsəcək, bəzi yerlərdə arabir 18-23 metr/saniyəyədək güclənəcək. Çaylarda sululuğun artacağı, bəzi dağ çaylarından qısamüddətli daşqın və sel keçəcəyi proqnozlaşdırılır.