Bankların çoxu çabalasa da, Elman Rüstəmovun bankı daha da dirçəlir...
Bir neçə gün əvvəl ölkənin ən böyük kommersiya banklarından biri olan "Bank Respublika" ilə Niderlandın Sahibkarlığın İnkişafı Bankı(FMO) arasında yeni kredit müqaviləsi imzalanıb. Müqaviləyə əsasən Banka 10 milyon ABŞ dolları məbləğində kredit ayrılacaq.
YeniAvropa xəbər verir ki, bu ilk belə müqavilə deyil və sözügedən bank xarici bank strukturlarının ən çox diqqət ayırdığı və kreditlər verdiyi banklardan biridir ki, bunu da təsadüfi saymaq olmaz...
Ümumiyyətlə, son illərdə “Bank Respublika”nın maliyyə göstəriciləri pandemiyaya, iqtisadi durğunluğa və daralmaya rəğmən, yaxşılaşmaqda davam edir. 2021-ci ilin 1-ci rübündə bank öz aktivlərini daha da artırıb, bankın mənfəəti də yüksəlib. “Bank Respublika”nın təkcə qiymətli kağızlara yatırılmış investisiyaları banka əlavə 1 milyon 29 min manat qazandırıb. Cari ilin birinci rübü ərzində bankın xalis gəlirləri 11 milyon 297 min manat, xalis mənfəəti isə 2 milyon 877 min manat olub.
Son 3 ayda «Bank Respublika»nın aktivləri sürətli artım nümayiş etdirərək 78 milyon manata yaxın artıb və 1 milyard 111 milyon manata yüksəlib, kredit portfeli bütün istiqamətlərdə böyüyüb və sair. Həmçinin, bir müddət əvvəl səhmdarlar bankın nizamnamə kapitalını 10 mln. manat artırmaq haqqında razılığa gəliblər. Bütün bu göstəricilər ölkənin digər “çabalayan” banklarına nəzər saldıqda, olduqca böyük sıçrayışdır.
Bir sözlə, bankın bütün rəsmi göstəriciləri onu deməyə əsas verir ki, “Bank Respublika” əksər banklardan fərqli olaraq, pandemiyanın yaratdığı çətinliklərə baxmayaraq, yüksək gəlirlər təmin etməkdə, uğurla fəaliyyət göstərməkdədir.
Təbii ki, isytənilən bankın uğurlu fəaliyyəti ümumilikdə bank sektoru üçün müsbət haldır və təqdirəlayiqdir. Ancaq nə yazıq ki, Azərbaycanda bu cür uğurlar heç də təsadüfən, hansısa məmur-oliqarxın dəstəyi, “krışalığı”olmadan əldə edilmir. Bu, “Bank Respublika”ya da aiddir.
Rəsmən "Bank Respublika”-nın İdarə Heyətinin sədri Tariyel İsmayılov sayılsa da, sözügedən bank istər cəmiyyətdə, istərsə də bank sektorunda Mərkəzi Bankın rəhbəri Elman Rüstəmovun bankı kimi tanınır.
“Bank Respublika”nın xarici banklara, maliyyə qurumlarına, Mərkəzi Banka, eləcə də dövlət qurumlarına çıxışı, bir sözlə, əlverişli şərtlər əldə edə bilməsi də məhz Elman Rüstəmov faktoru ilə əlaqələndirilir. Bunun nəticəsidir ki, sözügedən bank bir sıra göstəricilərinə görə, ölkənin aparıcı beş bankı sırasında qərarlaşa bilib.
Bütün bunları qeyd etməkdə məqsədimiz “Bank Respublika”nın fəaliyyətinə, uğurlarına kölgə salmaq deyil. Sadəcə, yaxşı olar ki, bank sektorunda bütün ölkə banklarına eyni şərait, azad rəqabət imkanları yaradılsın. Yoxsa, hansı bankın arxasında daha güclü məmur durursa, o da daha çox qabağa çəkilməsin və ümumiyyətlə, bankların taleyi onların “krışası” olan məmurların taleyinə bağlı olmasın.
Bunun həm ümumilikdə bank sektoruna, həm də sıravi vətəndaşlara, əmanətçilərə və onların maliyyə-bank sektoruna olan münasibətinə nə qədər mənfi təsir göstərdiyi “Bank Standard”, “Atabank” və digər bu qəbildən olan bankların timsalında aydın göründü.../“AzPolitika.info”
Avtobus və taksi fəaliyyətinə dair tələblər təsdiqlənib
Türkiyə Azərbaycanla birgə tarixi film çəkəcək
Xarici işlər naziri istefa verdi...
“Azneft” İstehsalat Birliyinə yeni baş direktor təyin edilib
“Texnika Bank”ın əmlakları təkrar hərraca çıxarılır
Avropa çempionatı: Minifutbol millimizin mümkün rəqibləri bəlli olub
“Lifttəmir”in direktoruna şiddətli töhmət verilib
Sabah Bakıda 17° isti olacaq
Rusiya Ermənistan-ABŞ-Aİ görüşündən narahatdır
Tanışını öldürən şəxsin məhkəməsi başlayır
Paşinyan: Ermənistan mühacir “Dağlıq Qarabağ hökumətini” tanımır
Magistraturaya qəbul imtahanının ikinci cəhdində iştirak etmək üçün qeydiyyat aparılır
Bu gün 4 rayonda qaz olmayacaq
Salyanda nğqsanlar aşkarlanan məktəbin direktoru işdən çıxarılıb
Mərkəzi Bank uçot dərəcəsini endirib
Ötən gün cinayət törətməkdə şübhəli bilinən 55 nəfər saxlanılıb
Bakıda "COP29"a həsr edilən “Dayanıqlı Tikinti Zirvəsi” keçiriləcək
BMT-nin dünya xoşbəxtlik hesabatı: Finlandiya 7-ci dəfə birinci yerdədir
Lənkəranda zəncirvari qəza: Ata və oğul hadisə yerində ölüb
Azərbaycan nefti 87,51 dollara satılır
Azərbaycan təhlükəsizlik orqanlarının yaranmasından 105 il ötür
Sabiq milli təhlükəsizlik naziri Namiq Abbasov vəfat edib
Paytaxtda liftdə baş vermiş bədbəxt hadisə ilə bağlı komissiya yaradılıb
Rəsmi Bakı Rasmussenin hesabatındakı iddiaları qətiyyətlə pisləyib
Aprel ayında Prezidentinin Administrasiyasının vətəndaşların qəbulu CƏDVƏLİ