Azərbaycan prezidenti İlham Əliyevlə Rusiya prezidenti Vladimir Putinin telefon danışığı olub.
YeniAvropa “RİA Novosti”yə istinadən xəbər verir ki, bu barədə Kremlin mətbuat xidməti məlumat yayıb.
Bildirilib ki, prezidentlər Dağlıq Qarabağ ətrafında vəziyyəti müzakirə ediblər.
"Dağlıq Qarabağ ətrafında vəziyyət, Rusiya, Azərbaycan və Ermənistan liderlərinin 9 noyabr 2020-ci il və bu il 11 yanvar tarixli bəyanatlarına uyğun olaraq onun daha da sabitləşməsi müzakirə edilib.
Görüşdə xüsusilə sülhün təmin olunması, təhlükəsizlik və bölgənin mütərəqqi sosial-iqtisadi inkişafı, habelə nəqliyyat-kommunikasiya sistemlərinin bərpası üzrə işlərin gedişatından danışılıb. Müxtəlif formatlarda əlaqələrin gücləndirilməsi barədə razılığa gəlinib”, - deyə Kremlin yaydığı məlumatında vurğulanıb.
1575
1575
