Prezident İlham Əliyev martın 30-da Cəmil Əliyevin təltif edilməsi haqqında sərəncam imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb.
Sərəncamda deyilir:
"Azərbaycan Respublikasında səhiyyənin inkişafında uzunmüddətli səmərəli fəaliyyətinə görə Cəmil Əziz oğlu Əliyev 1-ci dərəcəli “Vətənə xidmətə görə” ordeni ilə təltif edilsin".
Xatırladaq ki, bu gün Cəmil Əliyevin 75 yaşı tamam olur.
Cəmil Əziz oğlu Əliyev 30 mart 1946-cı ildə Bakıda anadan olub. Tibb elmləri doktoru, professordur.2001-ci ildən Azərbaycan Milli Elmlər Akademiyasının akademikidir. Azərbaycan Respublikası Səhiyyə Nazirliyi Milli Onkologiya Mərkəzinin baş direktoru vəzifəsində çalışır.