logo

Bakıda daş karxanasında dəhşətli olay: kombayn işçinin başını kəsdi

15:10 29-03-2021 | icon 280
Bakıda daş karxanasında dəhşətli olay: kombayn işçinin başını kəsdi
Bakının Qaradağ rayonundakı daş karxanalarından birində dəhşətli olay yaşanıb.
 
YeniAvropa xəbər verir ki, bu barədə Qaradağ rayon prokurorluğundan bildirilib.
Qeyd edilib ki, martın 27-də saat 05 radələrində Qaradağ rayonu, Korgöz qəsəbəsi ərazisində yerləşən daş karxanasında mişar daşı idarə edən–kombanyor, 1964-cü il təvəllüdlü Balafər Əmirovun ölməsi barədə rayon prokurorluğuna məlumat daxil olmuşdur.

Aparılmış araşdırmalarla müəyyən edilib ki, kombayn mişarının Balafər Əmirovun baş nəhiyəsini kəsməsi nəticəsində o, hadisə yerində ölüb.

Faktla bağlı Qaradağ rayon prokurorluğunda Cinayət Məcəlləsinin 162.2-ci (əmək mühafizəsi qaydalarını pozma ehtiyatsızlıqdan insan ölümünə səbəb olduqda) maddəsi ilə cinayət işi başlanıb.
 
Hazırda iş üzrə istintaq hərəkətləri davam etdirilir.