logo

Vladimir Putin aprelin 7-də Moskvada  Nikol Paşinyanla görüşəcək

16:10 27-03-2021 | icon 294
Vladimir Putin aprelin 7-də Moskvada  Nikol Paşinyanla görüşəcək

Rusiya prezidenti Vladimir Putin Moskvada Ermənistanın baş naziri Nikol Paşinyanla görüşəcək.

YeniAvropa xəbər verir ki, bu barədə Ermənistanın "Joxovurd”  qəzeti məlumat yayıb. Bildirilib ki, aprelin 7-də Nikol Paşinyan Moskvaya işgüzar səfər edəcək və bu səfər çərçivəsində onun Vladimir Putinlə görüşü planlaşdırılıb.

Qəzet bu informasiyanı Nikol Paşinyanın mətbuat katibi Mane Gevorkyanla dəqiqləşdirməyə cəhd göstərib, ancaq o, cavabında bildirib: "Biz bununla bağlı KİV-i məlumatlandıracağıq”.

Bildirilib ki, İkinci Qarabağ müharibəsindən sonra bu, onlar arasında ikinci görüş olacaq.

Qeyd edək ki, 44 günlük döyüşlərdən sonra birinci dəfə onlar yanvarın 11-də görüşüblər. Görüş üçtərəfli formatda baş tutub və həmin görüşdə Azərbaycan prezidenti İlham Əliyev də iştirak edib.

Xatırladaq ki, martın 26-da Rusiya prezidenti ilə Ermənistanın baş naziri arasında telefon danışığı olub. Onlar Azərbaycanın Qarabağ bölgəsindəki vəziyyətə dair fikir mübadiləsi aparıblar.