Hikmət Əlizadə: Ərəb turistlər 4 min manat cərimələnib
Bir neçə gündür sosial şəbəkələrdə, mətbuatda Qax rayonunun Acınohur ərazisində ərəb turistlər tərəfindən qanunsuz ov hallarına yol verilməsi, heyvanlarla rəhimsiz rəftar olunması ilə bağlı məlumatlar yayılıb. İlk növbədə, bildirmək istərdim ki, ölkəyə turistlərin gəlməsi, onların hərəkəti, buna icazələrin verilməsi Ekologiya və Təbii Sərvətlər Nazirliyinin səlahiyyətləri xaricindədir. Digər xarici ölkə vətəndaşları kimi, ərəb ölkələrindən də insanlar ölkəmizə gələ və istirahətini təşkil edə bilərlər. İstirahətin təşkili zamanı ölkə qanunvericiliyinin pozulması baş verərsə, bu zaman müvafiq orqanlar öz səlahiyyətləri daxilində hərəkət etməli və bunun qarşısını almalıdırlar. Bu məlumatlar da bizə daxil olanda, ilk növbədə, araşdırma apardıq. Məlum oldu ki, Acınohur yasaqlığında 372 hektar ərazi 2017-ci ildə yerli vətəndaşa icarəyə verilib. Həmin vətəndaş müqavilə əsasında xarici qonaqları dəvət edir və onlar orada istirahət edirlər. Bununla bağlı hər hansı bir məhdudiyyət yoxdur.
YeniAvropa xəbər verir ki, bunu Ekologiya və Təbii Sərvətlər Nazirliyinin Dövlət Ekoloji Təhlükəsizlik Xidmətinin rəisi Hikmət Əlizadə deyib.
Xidmət rəisi bildirib: “Araşdırmanın gedişatında bir neçə gün əvvəl ərəb turistlərin həmin ərazidə heyvanlarla rəhmsiz rəftar etməsi ilə bağlı məlumat daxil oldu və onlar bununla bağlı cərimələndilər. Dünən isə mətbuatda həmin ərazidə ov aparılmasına dair məlumatlar yayıldı. Bununla bağlı dərhal araşdırmaya başladıq. Fakt qismən müəyyən edildi. Sosial şəbəkələrdə, mətbuatda əvvəlki illərə məxsus olan, hətta ərazisinin müəyyən edilməsi mümkün olmayan foto və videokadrlar paylaşıldı. İddia olunurdu ki, bunların hamısı həmin ərazidə baş verib. Hazırda quşların miqrasiya dövrü bitib və ona görə də ölkədə quşların sayı azdır. Lakin bəzi faktlar öz təsdiqini tapdı və “Ovçuluq haqqında” qanunvericiliyin tələblərinin pozulmasına görə iki ərəb turist tərəfimizdən təqribən 4 min manat məbləğində cərimələndi”.
H.Əlizadə qeyd edib ki, hazırda yasaqlıq ərazisində onların hərəkətini məhdudlaşdırmaq üçün müvafiq tədbirlər görülüb. Ərazidə müxtəlif yerlərdə postlar qurulub. Bu fəaliyyət və araşdırmalar davam etdiriləcək. Əlavə məlumatlar olarsa, ictimaiyyət bu barədə məlumatlandırılacaq. İctimaiyyət bu məsələlərə çox həssas yanaşması başadüşüləndir. Bəzən belə məsələlər - xarici vətəndaşların gəlməsi, ölkə qanunvericiliyini pozması aqressiya doğurur. Belə hallarda dövlət qurumları öz səlahiyyətləri daxilində hərəkət edirlər. Bu məsələyə həssas yanaşan və bütün məlumatları vaxtında ötürənlərə minnətdarlığımı bildirirəm.
Payızda Azərbaycan ilə Ermənistanın baza prinsipləri üzrə razılığa gəlməsi ehtimalı var
QDİƏT-in turizm üzrə toplantısında “Bakı Bəyannaməsi” qəbul edilib
Astara sakinindən 51 kq narkotika götürülüb
COP29-a görə Vergi Məcəlləsinə dəyişiklik ediləcək
İlham Əliyev Bakıda keçirilən beynəlxalq forumda iştirak edir
"EURO-2024"ü idarə edəcək hakimlər arasında Türkiyə təmsilçisi də var
Sabah Bakıda 29° isti olacaq
Azərbaycanda spirtli içkilərin illik istehsali 20 min dekalitr olacaq
Yevlaxda uşaq bağçasındakı qanunsuzluqlarla bağlı cinayət işi başlanıb
Azərbaycan Albaniya ilə viza rejimini aradan qaldırır
Azərbaycanla Türkiyə gəlirlərə görə ikiqat vergitutma aradan qaldırır
Azərbaycan-Ermənistan dövlət sərhəddinin dəqiqləşdirilməsinə başlanıldı
Milli Məclisdə 18 məsələ müzakirəyə çıxarılıb
3 ayda Azərbaycanda 1,8 ton narkotika dövriyyədən çıxarılıb
Goranboyda zəlzələ olub
Culfada “Chevrolet” “Tofaş”la toqquşub: 2 ölü, 2 yaralı var
Xankəndidə silah-sursat aşkarlanıb
Ötən gün cinayət törətməkdə şübhəli bilinən 32 nəfər saxlanılıb
Azərbaycan nefti 88,30 dollara satılır
Daha 39 ailə Füzuliyə köçürülüb
Faktiki hava:Bölgələırdə şimşək çaxıb,yağış və sulu qar yağıb
İlham Əliyevin Rusiyaya işgüzar səfəri başa çatıb
Ceyhun Bayramov Çexiyaya rəsmi səfərə gedib
Azərbaycan və Rusiya prezidentləri birgə nahar ediblər
Faktiki hava: Oğuz və İsmayıllıya dolu düşüb