logo

“Kənddən Şəhərə” həftəsonu yarmarkası fəaliyyətə başlayıb

17:10 19-02-2021 | icon 301
“Kənddən Şəhərə” həftəsonu yarmarkası fəaliyyətə başlayıb

Bu gündən Bakı və Abşeron ərazisində üç fərqli məkanda  “Kənddən Şəhərə” həftəsonu yarmarkaları fəaliyyətə başlayıb. Yarmarkalar Kənd Təsərrüfatı Nazirliyinin tabeliyindəki “Aqrar Tədarük və Təchizat” ASC tərəfindən təşkil olunub. Yarmarkalarda birbaşa fermerlər tərəfindən təbii kənd və qida məhsullarının münasib qiymətlərlə satışı həyata keçirilir.

 YeniAvropa xəbər verir ki, yarmarkanın təşkilində əsas məqsəd fermerlər üçün alternativ satış imkanı yaratmaq və şəhər sakinlərinin kənd təsərrüfatı məhsullarına olan tələbatını təmin etməkdir.

Karantin rejiminin tələblərinə əməl olunmaqla keçirilən yarmarkada əvvəlcədən qeydiyyatdan və tibbi müayinədən keçən fermerlər iştirak edirlər. Onlar ödənişsiz şəkildə piştaxta, tərəzi və digər avadanlıqlarla yanaşı, tibbi ləvazimatlarla (tibbi maska, dezinfeksiyaedici maddələr, əlcək və.) da təmin olunublar. Yarmarka ərazisində mütəmadi olaraq dezinfeksiya tədbirləri aparılır, yarmarkaya daxil olan vətəndaşların temperaturları ölçülür, ziyarətçilərin sosial məsafəni qorumasına ciddi nəzarət olunur.

“Kənddən şəhərə” həftəsonu yarmarkası aşağıdakı ünvanlarda fəaliyyət göstərəcək:

- Nərimanov rayonu, Fətəli xan Xoyski küçəsi, 5 (“Gənclik” metro stansiyasının çıxışı)

- Binəqədi rayonu, Süleyman Sani Axundov, 5B (“İnqilab” kinoteatrının yanı)

- Xırdalan şəhəri, Heydər Əliyev prospekti, 41A.