logo

Azərbaycan güləşçiləri Moskva "Qran-Pri"sində 5 medal qazanıblar

22:33 08-11-2020 | icon 2233
Azərbaycan güləşçiləri Moskva "Qran-Pri"sində 5 medal qazanıblar

Noyabrın 8-də Rusiyada keçirilən güləş üzrə Moskva "Qran-Pri"sinə yekun vurulub.

YeniAvropa xəbər verir ki, güləşin bütün növləri üzrə təşkil olunan turnirdə ölkəmizi böyük məşqçi Zəlimxan Hüseynovun rəhbərliyi altında sərbəst güləş yığmamızın bir neçə üzvü təmsil edib.

Olimpiya çəki dərəcələri üzrə keçirilən yarışda güləşçimiz Şamil Zubairov (97 kq) bütün rəqiblərinə qalib gələrək fəxri kürsünün ən yüksək pilləsinə qalxıb. İslam Bazarqanov (57 kq) və Davud İbrahimov (65 kq) gümüş medal əldə edib. Gitinoməhəmməd Hacıyev (74 kq) və Osman Nurməhəmmədov (86 kq) isə "Qran-Pri"ni üçüncü pillədə başa vurublar.

Beləliklə, komandamız turnirdə 1 qızıl, 2 gümüş və 2 bürünc medal əldə edib.

Qeyd edək ki, görüşlərin idarə edilməsində ölkəmizi beynəlxalq dərəcəli hakim Sədi Quliyev təmsil edib.