Azərbaycan QHT-ləri Ermənistanın cəzalandırılması tələbi ilə BMT-nin Baş katibinə və TŞ-ya müraciət ediblər
Azərbaycanın qeyri-hökumət təşkilatları terror dövləti olan Ermənistanın dayandırılması və cəzalandırılması tələbi ilə BMT-nin Baş katibinə və Təhlükəsizlik Şurasına müraciət ünvanlayıblar.
YeniAvropa həmin müraciəti təqdim edir:
"Oktyabrın 17-si gecə saat 01 radələrində Ermənistan növbəti dəfə Azərbaycanın ikinci ən böyük şəhəri olan Gəncəyə, mülki əhalinin sıx yaşadığı məhəlləyə SCUD/Elbrus ballistik raketi ilə hücum edib və nəticədə 13 nəfər həlak olub, 40-dan çox insan yaralanıb. Ölən və yaralananlar arasında azyaşlı uşaqlar, qadınlar və yaşlılar da var.
Son iki həftədə artıq üçüncü dəfədir ki, Gəncə şəhəri Ermənistan tərəfindən şiddətli raket hücumuna məruz qalır və indiyədək bu hücumlar nəticəsində 27 nəfər mülki şəxs həlak olub, 100-dən çox insan yaralanıb.
Ermənistan hərbi və siyasi rəhbərliyinin münaqişə zonasından çox uzaqda yerləşən və heç bir hərbi zərurət olmadan 500 minlik Gəncə şəhərini bombalaması, qəsdən və məqsədyönlü şəkildə böyük dağıdıcı gücə malik SCUD kimi raketlərdən istifadə edərək günahsız dinc əhalini hədəfə alaraq öldürməsi tarixə XXI əsrdə insanlıq əleyhinə törədilmiş ən qanlı müharibə cinayəti kimi daxil olacaq.
Azərbaycan ictimaiyyətini üzən və dərindən narahat edən təkcə Ermənistanın bütün dünyanın gözü önündə törətdiyi bu vəhşilik, barbarlıq və terror aktı deyil, bizi ciddi şəkildə hiddətləndirən və narahat edən dünyada təcavüzkarı durdurmağa və cəzalandırmağa borclu olan, məhz bunun üçün dünya birliyi tərəfindən yaradılan BMT-nin Təhlükəsizlik Şurasının Gəncədə yaşanan insanlıq dramına, törədilən soyqırımı və müharibə cinayətlərinə səssiz qalmasıdır.
Hamıya aydındır ki, Gəncənin dinc əhalisinin kütləvi şəkildə və qəsdən öldürülməsi əmri şəxsən Ermənistanın baş naziri Nikol Paşinyan və müdafiə naziri David Tonoyan tərəfindən verilib və bu əmr dərhal icra olunub. BMT-nin nizamnaməsinə, beynəlxalq hüquqa və beynəlxalq humanitar hüquqa görə ən azından bu əmri verən Paşinyan və Tonoyan, əmri icra edən digər hərbiçilər hərbi cani elan olunmalı və onların dərhal tutularaq müvafiq qaydada cəzalandırılması üçün BMT Təhlükəsizlik Şurasının prosedurları işə düşməlidir.
BMT Təhlükəsizlik Şurasının Ermənistanın törətdiyi cinayətə bu dəfə də səssiz qalsa, bu təcavüzkar və uşaq qatili olan Ermənistanın tam müdafiəsi və onun törətdiyi beynəlxalq cinayətlərə haqq qazandırmaq və bu cinayətlərə şərik olmaq anlamına gələcəkdir. Tarix isə bunu heç kimə bağışlamayacaq.
Ona görə də biz, bu müraciətə imza atan Azərbaycan QHT-ləri BMT Təhlükəsizlik Şurasından tələb edirik ki, təcili toplanaraq, ilk növbədə, Ermənistanın insanlıq əleyhinə törətdiyi cinayəti qəti şəkildə pisləsin, sahib olduğu mandatından istifadə edərək Gəncəni bombalamaq əmri verən və çoxlu sayda mülki əhalini öldürən təcavüzkar Ermənistanın baş naziri Nikol Paşinyanın və müdafiə naziri David Tonoyanın sərt şəkildə cəzalandırılması üçün müvafiq addımlar atsın".
Müraciət 531 QHT tərəfindən imzalanıb.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir