Qırğızıstanın baş naziri Sadır Japarov prezidentin səlahiyyətlərini öz üzərinə götürüb.
YeniAvropa yerli mətbuata istinadla xəbər verir ki, bu barədə o, Hökumət Evinin önündə mitinqçilərin qarşısında çıxış edərkən deyib.
S.Japarov bildirib: “Prezident Sooronbay Jeenbekov istefa verməsi haqqında ərizə yazıb. Konstitusiyaya görə, prezidentin səlahiyyətləri Joqorku Keneşin (parlament) sədrinə keçir. Parlamentin sədri Kanat İsayev isə prezidentin səlahiyyətlərini öz üzərinə götürməkdən imtina edir. O bununla əlaqədar ərizə də yazıb. Beləliklə baş nazir kimi prezidentin səlahiyyətləri də mənə keçib”.
Xatırladırıq ki, bu gün Qırğızıstanın prezidenti Sooronbay Jeenbekov istefa verdiyini elan edib.
2366
2366
