logo

“Qırmızı Xaç Komitəsi meyitlərin sayını açıqlayanda erməni cəmiyyəti şok olacaq”

18:30 10-10-2020 | icon 1953
“Qırmızı Xaç Komitəsi meyitlərin sayını açıqlayanda erməni cəmiyyəti şok olacaq”

Azərbaycanın sabiq xarici işlər naziri Tofiq Zülfüqarov Moskvada keçirilmiş Azərbaycan və Ermənistan XİN rəhbərlərinin görüşündə əldə edilmiş nəticəni şərh edib.

 YeniAvropa xəbər verir ki, Tofiq Zülfüqarovun fikirlərini təqdim edir: 


“Açıqlanmış mətnlə bağlı düşüncələr. Beləliklə, atəşkəs haqqında razılıq əldə olunub. Hələlik bu, humanitar atəşkəsdir (əsir götürülmüş hərbçilərin və həlak olanların cəsədlərinin dəyişdirilməsi və mülki şəxslərin verilməsi). Atəşkəs rejiminin digər parametrlərinin gələcəkdə razılaşdırılması nəzərdə tutulur (ola bilər ki, qüvvə və vasitələrin yenidən qruplaşmasına qadağanın tətbiq edilməsi, faydasız zonanın rejiminin parametrləri, Ermənistandan ehtiyat qüvvələrin daşınmasına qadağanın tətbiqi). Danışıqlar prosesinin bərpası ehtimalına gəlincə, oradakı mətn qəti şəkildə konkret deyil. Mətndə “nizamlama prinsiplərinə sadiqliklə” bağlı razılıq var ki, bu da müxtəlif cür şərh oluna bilər…

İndi isə bir qədər mövcud vəziyyətin siyasi aspektləri barədə:

1. Status-kvo həm hərbi-taktiki, həm də siyasi cəhətdən dəyişdirilib;

2. Azərbaycan de-fakto sübut etdi ki, silahlı qüvvələrini təcavüzkara qarşı istifadə etmək iqtidarındadır və “həmsədrlərin inhisarçılığına” alternativ var;

3. Rusiya və Türkiyə güc yolu ilə öz müttəfiqlərini müdafiə etmək baxımından eyni siyasi mövqelərə malikdirlər;

4. Ermənilərə aydındır ki, Rusiya onların əvəzinə savaşmayacaq və Rusiya cəmiyyəti bu yolu qəbul etmir;

5. Rusiya “Paşinyanın Soros rejiminin” cəzalandırılmasında arzuladığı cəza səviyyəsini əldə etməyib;

Nəticələr:

1. Azərbaycan cəmiyyəti hərbi əməliyyatların dayandırılması ideyasını dəstəkləmir;

2. Ölkə rəhbərliyi bu amili inkaretmə yolu ilə getməyəcək, çünki bu, ciddi daxili siyasi böhrana gətirəcək;

3. Rusiya hələlik Paşinyana verilən dərslərin real nəticələrini görmür və ona görə hərbi əməliyyatların bərpası təhlükəsini tam aradan qaldırmayacaq;

4. Paşinyan “böyük qələbənin” əldə olunmasında özünün rolunu göstərmək üçün reklam kampaniyasına başlayacaq ki, bu da yeni hərbi əməliyyatların başlanmasına təhrik edəcək.

Yuxarıda qeyd edilənləri nəzərə alaraq, hərbi əməliyyatların yaxın günlərdə yaxud həftələrdə bərpası qaçılmazdır.

Beynəlxalq Qırmızı Xaç Komitəsi ermənilərə verilən meyitlərin sayını açıqlayacaq. Bu, erməni cəmiyyəti üçün ŞOK olacaq. Moskva Paşinyanı yıxacaq”.