ABŞ səfirliyi Azərbaycanda investisiya mühiti haqda hesabat hazırladı
Azərbaycanda ümumi investisiya mühiti yaxşılaşmada davam edir, baxmayaraq ki, ciddi problemlər hələ də qalmaqdadır. Son illər ərzində Azərbaycan hökuməti xarici investisiyalar cəlb etməyə, iqtisadiyyatının şaxələndirilməsi üçün islahatlar aparmağa və özəl sektora söykənən inkişafa təkan verməyə çalışıb.
YeniAvropa xəbər verir ki, bu barədə ABŞ-ın Azərbaycandakı səfirliyinin ölkədə investisiya mühiti haqqında hazırladığı hesabatında deyilir.
Hesabatın xülasəsində qeyd edilir ki, Azərbaycan iqtisadiyyatı əvvəlki kimi neft və qaz hasilatından çox asılıdır, ixrac gəlirlərinin təqribən 90%-i və dövlət büdcəsinin yarısından çoxu məhz bu sahənin payına düşür.
2019-cu ildə əsasən təbii qaz ixracının artması hesabına real ÜDM 2,2% artıb. Neft-qaz sektoru tarixən ən böyük həcmdə xarici investisiyalar cəlb etsə də, Azərbaycan hökuməti iqtisadiyyatı şaxələndirmək üçün dörd qeyri-neft sektoruna yönəlib: kənd təsərrüfatı, turizm, informasiya və kommunikasiya texnologiyaları (İKT) və nəqliyyat.
Azərbaycan Dünya Bankı və Beynəlxalq Maliyyə Korporasiyası tərəfindən dərc edilən “Doing Business 2020” reytinqində 190 ölkə arasında 25-ci yerdən 34-cü yerə geriləyib.
Ötən ilin oktyabrın 24-də dərc edilmiş hesabata əsasən, 2018-ci ilin mayından 2019-cu ilin mayına qədər Azərbaycanda dörd uğurlu islahat həyata keçirilib və bununla da beş məqsəddən dördünə nail olunub. Bu islahatlar mülkiyyətin qeydiyyatı, kredit alınması, minoritar investorların müdafiəsi və müqavilələrin yerinə yetirilməsinin təmin edilməsi ilə bağlı olub. Bu göstəricilər üzrə Azərbaycan ən islahatçı 20 ölkə sırasına daxil edilib. Amma şaxələnmiş və rəqabətədavamlı özəl sektorun yaradılması üçün zəruri olan struktur islahatlarının keçirilməsində irəliləyiş yavaşdır, korrupsiya isə Azərbaycanda işləyən şirkətlər üçün ciddi problem olaraq qalır.
Dövlətlə əlaqəsi olan holdinq şirkətlərindən ibarət kiçik qrup iqtisadiyyatda üstünlüyə malikdir, əqli mülkiyyət hüquqları kifayət qədər qorunmur, məhkəmə şəffaflığı yoxdur.
Azərbaycan qanunvericiliyinə əsasən, xarici investisiyalar tam və qeyd-şərtsiz hüquqi müdafiə altındadır və xüsusi hallar istisna olmaqla, milliləşdirilə və ya mənimsənilə bilməz. Ayrı-ayrı şəxslər sərbəst şəkildə kommersiya müəssisələri yarada, onların paylarını əldə edə və bu payları idarə edə bilər. Xarici vətəndaşlar, təşkilatlar və müəssisələr torpaq icarə götürə bilərlər, amma ona sahib ola bilməzlər.
"Azərbaycan hökuməti qanunsuz ekspropriasiya vasitəsilə ABŞ-ın fiziki və hüquqi şəxslərinə qarşı ayrı-seçkilik nümayiş etdirməyib. ABŞ və Azərbaycan arasında İkitərəfli İnvestisiya Müqaviləsi (BIT) ABŞ investorlarına investisiya mübahisələrini Beynəlxalq İnvestisiya Mübahisələrinin Nizamlanması Mərkəzinin (ICSID) köməyi ilə nizamlamaq imkanı verir", -deyə hesabatın xülasəsində qeyd edilir.
Hesabat yaxın günlərdə ABŞ Dövlət Departamentində təqdim ediləcək.
ABŞ indiyədək Ukraynaya 113 milyard $ yardım edib
Salyan sakinindən 2,5 kq heroin götürülüb
Azərbaycan Kuboku: 1/2 finalın cavab oyunları keçiriləcək
Bakıda VI Ümumdünya Mədəniyyətlərarası Dialoq Forumu keçiriləcək
Sabah Bakıda 18° isti olacaq
Azərbaycan ötən il Türkiyəyə 1,8 milyard $ investisiya yatırıb
“Crocus City Hall”da xəsarət alanların sayı 551 nəfərə çatıb
İnzibati Xətalar Məcəlləsinə dəyişiklik edildi:Cərimələr artılırdı
Cinayət-Prosessual Məcəlləsinə bir sıra dəyişikliklər edilib
Qubada 3-cü “Aqrobiznesin İnkişafı Forumu” keçirilir
Ermənistanda Vladimir Solovyovun verilişləri qadağan edilib
Milli Məclisin bugünkü iclasında 21 məsələ müzakirəyə çıxarılıb
“Qarabağ” bütün oyunlarını uduzsa belə,yenə çempion olacaq
Ucarda məktəb binası yanıb
Antalya “Böyük Dəbilqə”si: Bu gün 3 cüdoçumuz mübarizəyə qoşulur
Ukrayndan Hindistana “qırmızı xəti” keçməmək xəbərdarlığı
Azərbaycanda ilk sosial televiziya fəaliyyətə başlayacaq
Lavrov Aİ-nin Ermənistandakı missiyasını NATO missiyası adlandırıb
Azərbaycan nefti 89,22 dollara satılır
Ötən gün cinayət törətməkdə şübhəli bilinən 42 nəfər saxlanılıb
Daha 35 ailə Füzuliyə yola salınıb
Avtobus və taksi fəaliyyətinə dair tələblər təsdiqlənib
Türkiyə Azərbaycanla birgə tarixi film çəkəcək
Xarici işlər naziri istefa verdi...
“Azneft” İstehsalat Birliyinə yeni baş direktor təyin edilib