logo

Deputat BNA-nı sərt tənqid etdi: "Cərimələrdən yığılan pullar hara gedir?”

15:28 10-09-2020 | icon 994
Deputat BNA-nı sərt tənqid etdi: "Cərimələrdən yığılan pullar hara gedir?”

 “Mən də taksilərin fəaliyyətində qayda-qanunun yaradılmasının tərəfdarıyam. Amma hamımız bilirik ki, bunun axırı hara gedir. BNA-nın əməkdaşları niyə şəkil çəkib qaçırlar? Gəlib izah etsinlər ki, burada saxlama, orada saxla. Daha niyə şəkil çəkən kimi qaçırlar?".

YeniAvropa xəbər verir ki, bu fikirləri Milli Məclisin İqtisadi siyasət, sənaye və sahibkarlıq komitəsinin bu gün keçirilən iclasında deputat Rüfət Quliyev səsləndirib.

O, Bakı Nəqliyyat Agentliyini (BNA) sərt tənqid edib: “ Təklif edirəm ki, harada dayanma-durma qadağandırsa, bunu plakata yazıb həmin əraziyə vursunlar. Vətəndaş da bilsin ki, burada 5, 10 dəqiqə durmaq olmaz".

Deputat daha sonra BNA-nın onun xidməti avtomobilinə yazdığı böyük məbləğli cərimıədən danışıb: "Mən sürücümdən soruşdum ki, il ərzində nə qədər cərimə yığılıb. Cərimənin məbləğini burada açıqlamaq istəmirəm, amma böyük bir rəqəm idi. Dedim ki, get ödə. BNA-nın mühüm şəxslərini dəvət edək və soruşaq ki, cərimələrdən yığılan pullar hara gedir?”.