Azərbaycanın Gürcüstandakı səfirliyi daha 277 soydaşımızı təxliyə etməyə hazırlaşır.
YeniAvropa xəbər verir ki, bu barədə səfirlikdən bildirilib. Qeyd edilib ki, növbəti təxliyə sentyabrın 4-də həyata keçiriləcək.
Gürcüstandan təxliyə olunacaq 277 nəfərin 134-ü Azərbaycan vətəndaşı, 135-i Gürcüstan, 1-i Türkiyə, 6-sı Rusiya və 1-i Ukrayna vətəndaşı olan azərbaycanlılardır.
Təxliyə ediləcək şəxslər sentyabrın 3-də Tbilisidəki klinikalardan birində koronavirus testindən keçiriləcək. Nəticələri neqativ olan şəxslərə COVID-19 pasportu veriləcək və onlar sentyabrın 4-də səfirliyin binasının qarşısından avtobuslarla “Sınıq Körpü” sərhəd-keçid məntəqəsinə yola salınacaqlar.
2730
2730
