Prezident İlham Əliyev mayın 21-də Əəbülfəs Qarayevin mədəniyyət naziri vəzifəsindən azad edilməsi haqqında sərəncam imzalayıb.
YeniAvropa xəbər verir ki, bu barədə prezidentin mətbuat xidməti məlumat yayıb.
Sərəncamda deyilir: "Əbülfəs Mürsəl oğlu Qarayev Azərbaycan Respublikasının Mədəniyyət naziri vəzifəsindən azad edilsin".
Xatırladaq ki, Əbülfəs Qarayev 13 noyabr 1956-ci ildə Bakıda anadan olub. 1973-1978-ci illərdə Azərbaycan Pedaqoji Xarici Dillər İnstitutunda təhsil alıb. İxtisasca ingilis dili müəllimidir.
26 iyul 1994 — 18 aprel 2001-ci illərdə gənclər və idman naziri, 18 aprel 2001 — 30 yanvar 2006 -ci illərdə gənclər, idman və turizm naziri, 30 yanvar 2006 — 20 aprel 2018-ci illərdə mədəniyyət və turizm naziri, 23 aprel 2018-ci ildən bu günədək mədəniyyət naziri vəzifələrində çalışıb.
Ailəlidir. Bir qızı var. Qızı Suad Qarayeva "YARAT" Müasir İncəsənət Mərkəzinin direktorudur. İran vətəndaşı ilə ailəlidir.