logo

Nərimanovda plana düşən 8 bina söküləcək

11:54 21-05-2020 | icon 2576
Nərimanovda plana düşən 8 bina söküləcək

Bakı şəhər İcra Hakimiyyəti başçısının 55 № -li, 11 mart 2020-ci il tarixli Sərəncamına əsasən, Bakı şəhəri, Nərimanov rayonu , Təbriz  və Həsənoğlu küçələrinin kəsişməsində yerləşən yaşayış üçün yararsız vəziyyətdə olan, istismar müddəti başa çatmış, şəhərin və ərazinin ümumi görünüşünə xələl gətirən köhnə tikililərin sökülərək yerində müasir tipli yeni yaşayış binalarının inşası “Ailə Park “ MMC-yə həvalə olunub.

 YeniAvropa xəbər verir ki, bu barədə Bakı şəhər İcra Hakimiyyətindən bildirilib. Qeyd edilib ki, yenilənən binaların sakinləri və  “Ailə Park”  MMC arasında rəsmi müqavilə (notarial qaydada) bağlanılır və onlar müvəqqəti olaraq digər yaşayış yerlərinə köçürülürlər.

Mənzilləri sökülən sakinlər müvəqqəti kirayədə yaşadığı dövrdə onların kirayə haqları ödənilir. Daha sonra sakinlər köçürüldükləri mənzildən sahəsinə görə 25 % daha artıq və təmirli mənzillərə sahib olacaqlar.