logo

14 yaşlı şahmatçımız Avropa çempionatının qalibi oldu

13:59 20-05-2020 | icon 350
14 yaşlı şahmatçımız Avropa çempionatının qalibi oldu

Azərbaycan şahmatçısı 14 yaşlı Gülsənəm Ağayeva rapid üzrə qızlar və oğlanlar arasında keçirilən onlayn Avropa çempionatında qızıl medal qazanıb.

 YeniAvropa xəbər verir ki, 53 ölkədən 1600-ə qədər şahmatçının iştirak etdiyi qitə çempionatının A qrupunda (reytinqi 1400-ə qədər olan şahmatçılar arasında) mübarizə aparan G.Ağayeva 7,5 xalla qızlar arasında qalib olub. Şahmatçımız oğlanlar və qızlar arasında yarışın nəticəsinə görə isə ikinci yeri tutub.

Xatırladaq ki, G.Ağayeva “Təhsil” RİM-in Lənkəran şəhər Uşaq-Gənclər Şahmat Məktəbinin yetirməsidir. O, bu il İranın Rəşt şəhərində keçirilmiş beynəlxalq turnirdə 14 yaşadək şahmatçı qızlar arasında qalib adını qazanıb. Gülsənəm  Ağcabədidə yeniyetmə şahmatçılar arasında keçirilmiş Azərbaycan birinciliyinin seçmə yarışlarında da uğurla çıxış edərək 14 yaşlı qızlar arasında birinci yeri tutub. G.Ağayeva “Təhsil” RİM-in blits üzrə builki onlayn respublika birinciliyində isə ikinci pillədə qərarlaşıb. Bundan başqa, o, 2018-ci ildə keçirilmiş respublika şahmat olimpiadasında 12 yaşadək qızlar arasında ikinci, 16 yaşadək qızlar arasında isə üçüncü yeri tutub.