logo

Növbəti tədris ili ilə bağlı qərar gələn ay veriləcək

14:50 14-05-2020 | icon 3234
Növbəti tədris ili ilə bağlı qərar gələn ay veriləcək

"Növbəti tədris ilində hansı tədbirlərin görüləcəyi ilə bağlı işçi səviyyəsində ciddi görüşlər keçirilir və müzakirələr aparılır. Bununla bağlı qərar yəqin ki, iyun ayında ictimaiyyətə açıqlanacaq”.

 YeniAvropa xəbər verir ki, bu barədə Təhsil Nazirliyinin İctimaiyyətlə əlaqələr sektorunun müdiri Cəsarət Valehov məlumat verib. Onun sözlərinə görə, bu tədris ilinin sonunda tədqiqat xarakterli qiymətləndirmə aparılacaq: "Əsas məqsəd şagirdlərin pandemiya dövründə öyrənməli olduqları proqramların məzmununu nə qədər mənimsədiklərini müəyyənləşdirməkdir. Bununla bağlı təkliflərlə çıxış edəcəyik”.

C.Valehov deyib ki, istər orta təhsil, istərsə də ali təhsil müəssisələrində tədris ilinin uzadılması gözlənilmir: "Müzakirələr zamanı qərara gəlinib ki, ola bilsin yay aylarında televiziya vasitəsilə tematik proqramların tədrisi davam etdirilsin”.

Qeyd edək ki, koronavirus pandemiyası ilə əlaqədar martın 3-dən etibarən Azərbaycanın bütün təhsil müəssisələrində tədris dayandırılıb.