Martın 17-də Rusiyanın Yekaterinburq şəhərində dünya şahmat tacı uğrunda norveçli çempion Maqnus Karlsen ilə qarşılaşacaq idmançını müəyyənləşdirəcək iddiaçılar turniri start götürür.
YeniAvropa xəbər verir ki, səkkiz şahmatçının mübarizə apardığı turnirin birinci turunda fransalı Maksim Vaşe-Laqrav amerikalı Fabiano Karuana, çinli Liren Dinq həmyerlisi Hao Yanq, rusiyalı Aleksandr Qrişuk həmvətəni Kiril Alekseyenko, daha bir rusiyalı Yan Nepomnyaşi isə Niderland təmsilçisi Aniş Giri ilə qarşılaşacaqlar.
Ötən il keçirilmiş dünya kubokunun sahibi kimi iddiaçılar turnirinə vəsiqə qazanan Teymur Rəcəbovun bu nüfuzlu turnirdə iştirakı alınmayıb. Şahmatçımızın koronavirusla əlaqədar turnirin tarixə salınması barədə təklifi FIDE tərəfindən qəbul edilmədiyindən o, iştirakdan imtina edib.
2996
2996
