logo

Milli Məclis komitələrinin sədrləri seçilib

13:11 10-03-2020 | icon 266
Milli Məclis komitələrinin sədrləri seçilib

Milli Məclis komitələrinin sədrləri və müavinləri seçilib.

YeniAvropa xəbər verir ki, Milli Məclisin sədri Sahibə Qafarova komitə sədrliyinə namizəlikləri irəli sürülən deputatların adlarını oxuyub. Sonra məsələ səsə qoyularaq qəbul edilib.

Deputat Əli Hüseynli Milli Məclisin Hüquq siyasəti və dövlət quruculuğu komitəsinin, Ziyafət Əsgərov Müdafiə, təhlükəsizlik və korrupsiya ilə mübarizə komitəsinin, Tahir Mirkişili İqtisadi siyasət, sənaye və sahibkarlıq komitəsinin, Sadiq Qurbanov Təbii ehtiyatlar, energetika və ekologiya komitəsinin, Tahir Rzayev Aqrar siyasət komitəsinin, Musa Quliyev Əmək və sosial siyasət komitəsinin, Siyavuş Novruzov Regional məsələlər komitəsinin, Bəxtiyar Əliyev Elm və təhsil komitəsinin, Qənirə Paşayeva Mədəniyyət komitəsinin, Zahid Oruc İnsan hüquqları komitəsinin, Səməd Seyidov Beynəlxalq münasibətlər və parlamentlərarası əlaqələr komitəsinin, Əhliman Əmiraslanov Səhiyyə komitəsinin, Hicran Hüseynova Ailə, qadın və uşaq məsələləri komitəsinin, Fəzail İbrahimli İctimai birliklər və dini qurumlar komitəsinin, Adil Əliyev Gənclər və idman komitəsinin sədrləri təsdiq edildilər.

Sonra komitə sədrlərinin müavinləri də təsdiq olundu.

Bununla da VI çağırış Milli Məclisin birinci iclası başa çatıb.