Koronavirus təhlükəsi ilə əlaqədar Özbəkistanda bütün beynəlxalq idman tədbirləri təxirə salınıb.
YeniAvropa yerli mətbuata istinadla xəbər verir ki, bu barədə Özbəkistanın Bədən Tərbiyəsi və İdman Nazirliyi məlumat yayıb. Bildirilib ki, Özbəkistan milli komandalarının xaricdə keçirilən yarışlara qatılması da həmin ölkələrdəki vəziyyətdən asılı olacaq. Başqa sözlə, Özbəkistan koronavirusun tüğyan etdiyi ölkələrdə keçirilən yarışlara qatılmayacaq. Ölkədaxili bütün yarışlar isə Səhiyyə Nazirliyi ilə razılaşdırıldıqdan sonra keçiriləcək.
Xatırladaq ki, Daşkənddə keçirilməli olan ağır atletika üzrə Asiya çempionatı da qeyri-müəyyən vaxtadək təxirə salınıb.
2499
2499
