24 saylı Nizami I Seçki Dairəsinin favoriti Eldar Əliyevin seçicilərlə silsilə görüşləri davam edir
Fevralın 9-da Milli Məclisə keçiriləcək növbədənkənar seçkilərdə 24 saylı Nizami I Seçki Dairəsindən namizəd Eldar Elxan oğlu Əliyevin təşviqat kampaniyası uğurla davam edir.
YeniAvropa xəbər verir ki, fevralın 4-də Eldar Əliyev Nizami rayonunun Keşlə qəsəbəsində seçicilərlə silsilə görüşlər keçirib. Görüşlərdə Eldar Əliyevin seçki qərargahının üzvləri qəsəbə sakinlərini deputatlığa namizədin seçki platforması ilə tanış ediblər. Qəsəbə sakinləri Eldar Əliyevi mehribanlıqla qarşılayıblar. Onu evlərinə dəvət ediblər, çay süfrəsinə qonaq ediblər.
Mətləb Ağayev küçəsində isə Eldar Əliyevin seçicilərlə görüşü izdihamlı keçib.
Deputatlığa namizəd Eldar Əliyev seçiciləri narahat edən problemlərlə maraqlanıb, onların şikayət və təkliflərini dinləyib. Eyni zamanda 9 fevral seçkilərində keşləli seçicilərin xeyir-duasını qəbul edib.