20 Yanvar faciəsi qurbanları anılıb
Yanvarın 15-də Gəncliyə Yardım Fondunun və “20 Yanvar” İctimai Birliyinin birgə təşkilatçılığı ilə 20 Yanvar - Ümumxalq Hüzn Günü ilə əlaqədar anım mərasimi keçirilib.
YeniAvropa xəbər verir ki, tədbir çərçivəsində Gəncliyə Yardım Fondu tərəfindən yenidən nəşr edilən, Rafiq Səməndərin “Şəhidlər” kitabı qonaqlara təqdim olunub.
Əvvəlcə şəhidlərin ruhu bir dəqiqəlik sükutla yad edilib, Azərbaycanın və Türkiyənin dövlət himnləri səsləndirilib. Sonra 20 Yanvar faciəsinə dair videoçarx nümayiş etdirilib.
Gəncliyə Yardım Fondunun prezidenti Əhməd Tecim mərasimdə çıxış edərək 20 Yanvar faciəsinin Azərbaycan xalqının milli azadlıq ruhunun sarsıdılmasına yönəlmiş terror aktı olduğunu bildirib. Qeyd edib ki, bütün bu vəhşiliyə, qanlı qırğına baxmayaraq, Azərbaycan xalqı şəhidlərinin qanları bahasına öz arzusuna - müstəqilliyə qovuşdu. Əhməd Tecim deyib ki, Gəncliyə Yardım Fondu və “20 Yanvar” İctimai Birliyi faciə qurbanlarının ailələri ilə daim görüşür, onlara yardımlar göstərir. İlk dəfə 1994-cü ildə baş tutan bu təşəbbüs artıq ənənəyə çevrilib.
Qaçqınların və Məcburi Köçkünlərin İşləri üzrə Dövlət Komitəsinin sədr müavini Fuad Hüseynov 20 Yanvar faciəsinin xalqımızın əyilməz ruhunu qıra bilmədiyini söyləyib, Azərbaycan dövlətinin şəhid ailələrinə göstərdiyi diqqət və qayğıdan danışıb. Bildirilib ki, şəhidlərin qanı bahasına qazanılmış müstəqilliyimiz bu gün daha da möhkəmlənir, ölkəmizin iqtisadi və hərbi qüdrəti ilbəil artır. Ölkəmizdə həyata keçirilən uğurlu sosial siyasət nəticəsində şəhid ailələrinin, əlilliyi olan şəxslərin sosial müdafiəsi gücləndirilir, onların qayğıları daim diqqətdə saxlanılır.
“20 Yanvar xalqımızın həyatında hüzn və qəhrəmanlıq günüdür”, - deyən Milli Məclisin deputatı Musa Qasımlı həmin hadisələr nəticəsində sovet imperiyasının dayaqlarının sarsıldığını, kommunist rejiminin süqutunun başladığını vurğulayıb. Qeyd edib ki, 1990-cı ilin yanvarında Bakıda baş verən hadisələr ədalətsizliyə dözməyən xalqın mətanət və iradəsinin nümayişinə çevrilib.
“Şəhidlər” kitabının müəllifi Rafiq Səməndər 20 Yanvarın Azərbaycan tarixində qəhrəmanlıq salnaməsi olduğunu bildirib, gənclərin tariximizi dərindən öyrənmələrinin vacibliyini diqqətə çatdırıb. R.Səməndər bu qanlı faciənin tariximizdə ən böyük vətənpərvərlik nümunəsi olduğunu, şəhidlərimizin göstərdikləri qəhrəmanlığın hər zaman xatırlanacağını qeyd edib.
20 Yanvar Cəmiyyətinin sədri Sultan Əzimzadə qanlı şənbə gecəsində şəhid olanların və yaralananların ailəsinə göstərilən diqqət və qayğıya, böyük ehtirama və yüksək dəyərə görə minnətdarlıq edib.
Türkiyənin Azərbaycandakı səfiri Erkan Özoral bildirib ki, 20 Yanvar faciəsi Azərbaycanın müstəqillik tarixində əhəmiyyətli dönüş yaradıb, milli azadlıq mübarizəsinin ən mühüm mərhələsini təşkil edib. Bu faciəyə hüquqi-siyasi qiymətin verilməsi, onun dünyada tanıdılması məhz ümummilli lider Heydər Əliyevin adı ilə bağlıdır. Bu gün Prezident İlham Əliyev də 20 Yanvar faciəsi qurbanlarının xatirəsinə ən yüksək hörmət və ehtiram göstərir.
Qafqaz Müsəlmanları İdarəsinin sədr müavini Qəmər Cavadlı, Səbail Rayon İcra Hakimiyyəti başçısının birinci müavini Xalidə Bayramova çıxışlarında bildiriblər ki, şəhidlərimiz öz canlarını qurban verərək Azərbaycan xalqının istiqlaliyyətə gedən yolunun bələdçiləri oldular.
Şəhid ailələrinin üzvləri çıxışlarında faciə qurbanlarının xatirəsinə göstərilən ehtirama görə minnətdarlıqlarını bildiriblər.
Sonda 20 Yanvar şəhidlərinin ailə üzvlərinə yardım göstərilib.
Zərərçəkmişin razılığı olmadan fotosunu KİV-də yayanlar cəzalandırılacaq
Vergi orqanlarının vəzifəli şəxslərinin maaşları artırılır
Sabah Bakıda 29° isti olacaq
“Heydər Əliyev adına Beynəlxalq Təhsil Qrantı” elan edilir
Yeni il axşamı kafedə tanışlarını öldürən gəncin məhkəməsi başlayır
Rusiya Ukraynanın şəhərlərini bömbalayıb:Ölən və xəsarət alanlar var
Bakıda bədii gimnastika üzrə Dünya Kuboku start götürüb
Rusiyada hərbi təyyarə qəzaya uğrayıb:Pilotlardan biri həlak olub
Bakıda TDT diplomatiya akademiyalarının toplantısı keçiriləcək
Parlamentdə Hesablama Palatasının ötən il üzrə hesabatı dinlənilir
ABŞ Fələstinin BMT-yə tamhüquqlu üzv olmasını əngəlləyib
Milli Məclisin iclasında 14 məsələ müzakirəyə çıxarılıb
Ağdərə-Ağdam avtomobil yolunun inşasına başlanılıb
İsrail İrana raket zərbəsi endirib
"Xəzər səması-2024" birgə taktiki təlimi keçirilib
Ötən gün cinayət törətməkdə şübhəli bilinən 58 nəfər saxlanılıb
Azərbaycan nefti 88,51 dollara satılır
Qəbiristanlıqdan oğurluq edən keçmiş məhkumlar saxlanılıb
Sumqayıtda valideynlərini öldürən gənc həbs edilib
UEFA Avropa Liqası: Bütün yarımfinalçılar müəyyənləşib
“Azercell” ADA-nın Karyera Hazırlığı Həftəsində iştirak edir
İranlı narkotacirin kuryerində 12 kq marixuana aşkarlanıb
SOCAR “ACWA Power”la "Yaşıl Gübrə” layihəsi çərçivəsində əməkdaşlıq edəcək
Azərbaycanla Türkiyə arasında ikiqat vergitutma ləğv edilir
Azərbaycan ilə Çinin baş prokurorluqları əməkdaşlığı genişləndiriir