logo

“Azəri-Çıraq-Günəşli”dən neft hasilatı 500 milyon tonu ötüb

14:15 09-01-2020 | icon 2478
“Azəri-Çıraq-Günəşli”dən neft hasilatı 500 milyon tonu ötüb

Xəzər dənizinin Azərbaycan sektorundakı “Azəri-Çıraq-Günəşli” (AÇG) yataqlar blokundan neft hasilatı 500 milyon tonu ötüb.

 YeniAvropa xəbər verir  ki, bu barədə “BP Azerbaijan” şirkətinin əlaqələr, xarici işlər və strategiya üzrə vitse-prezidenti Bəxtiyar Aslanbəyli  məlumat verib.

Onun sözlərinə görə, 1997-ci il noyabrın 7-də AÇG üzrə “Çıraq” platformasından ilk neft hasil edilməyə başlanıb. Həmin dövrdən indiyədək yataqlar blokundan 500 milyon tondan çox neft hasil olunub. AÇG-dən 500 milyonuncu ton neftin çıxarılması isə ötən ilin dekabr ayının sonlarına təsadüf edib.

Xatırladaq ki, Azərbaycanın “Azəri-Çıraq-Günəşli” yataqlar blokunun işlənməsindən əldə etdiyi birbaşa gəlir 140 milyard dollardan çoxdur.

AÇG-də tərəfdaşların iştirak payları bu nisbətdədir: BP - 30,37 faiz, “AzAÇG” (SOCAR) - 25 faiz, “Chevron”- 9,57 faiz, “Inpex” - 9,31 faiz, “Equinor” - 7,27 faiz, “ExxonMobil” - 6,79 faiz, “TPAO” - 5,73 faiz, “Itochu” - 3,65 faiz və “ONGC Videsh Limited” (OVL) - 2,31 faiz. AÇG üzrə Hasilatın Pay Bölgüsü haqqında Sazişin podratçı tərəfləri adından “BP Exploration (Caspian Sea) Limited” şirkəti operatordur.