logo

MSK Mehman Hüseynovun şikayətini qismən təmin etdi

17:11 05-01-2020 | icon 651
MSK Mehman Hüseynovun şikayətini qismən təmin etdi

Mərkəzi Seçki Komissiyasının(MSK) bugünkü iclasında 23 dekabr 2019-cu ildə keçirilən bələdiyyə seçkilərində Bakı şəhəri, Suraxanı rayonu, Qaraçuxur bələdiyyəsinə namizəd olmuş bloqqer Mehman Hüseynovun şikayətinə baxılıb.

YeniAvropa xəbər verir  ki, iclasda səsvermə günü 30 saylı Suraxanı Birinci Dairə Seçki Komissiyasının 24 saylı seçki məntəqəsinin və 31 saylı Suraxanı Birinci Dairə Seçki Komissiyasının 30 saylı seçki məntəqələrində seçicilərin iradəsini müəyyənləşdirməyə imkan verməyən bəzi qanun pozuntuları ilə bağlı müraciət dinlənilib, səsvermə günü həmin məntəqələrdə lentə alınaraq sosial şəbəkələrdə paylaşılan görüntülər araşdırılıb

MSK nəzdində Ekspert qrupunun araşdırması zamanı müraciətdə qeyd olunanlar qismən təsdiqini tapıb. Buna görə də MSK 30 saylı Suraxanı Birinci Dairəsinin  24 saylı seçki məntəqəsinin və 31 saylı Suraxanı İkinci Dairəsinin 30 saylı seçki məntəqəsinin nəticələrinin ləğv olunması ilə barədə qərar qəbul edib. Eyni zamanda həmin məntəqələrin məntəqə seçki komissiyaları buraxılıb.

Xatırladaq ki, iki məntəqədə səsvermənin nəticələrinin ləğv edilməsi Qaraçuxur bələdiyyəsinə seçkilərin nəticələrini dəyişməyib.