Xızıda oğurluq edən rayon sakini saxlanılıb.
YeniAvropa xəbər verir ki, bu barədə Daxili İşlər Nazirliyi Mətbuat Xidmətindən bildirilib.Qeyd edilib ki,noyabrın 20-də Xızı rayonu ərazisindən avtomobil və 1 ton arpa oğurlanması barədə Daxili İşlər Nazirliyinin “102” Zəng Mərkəzinə məlumat daxil olub.
Xızı rayon Polis Şöbəsinin əməkdaşları tərəfindən müəyyən edilib ki, Şuraabad qəsəbəsində yaşayan Tükəzban Mirzəyevanın həyətindəki qarajdan “QAZ-31” markalı avtomobil və 1 ton arpa oğurlanıb.
Keçirilən əməliyyat-axtarış tədbirləri nəticəsində oğurluqda şübhəli bilinən Xızı rayon sakini, əvvəllər məhkum olunmuş Sərxan Mirzəyev polis əməkdaşları tərəfindən saxlanılıb.
Şəxsi axtarış zamanı ondan heroin götürülüb.
Faktla bağlı Xızı RPŞ-də cinayət işi açılıb, araşdırmalar davam etdirilir.
2233
2233
