logo

ABŞ İran ordusunun Baş Qərargah rəisinə qarşı sanksiya tətbiq edib

14:15 05-11-2019 | icon 2569
ABŞ İran ordusunun Baş Qərargah rəisinə qarşı sanksiya tətbiq edib

ABŞ İran ordusunun baş qərargah rəisi general Məhəmməd Baqerinin adını sanksiyaların tətbiq edildiyi şəxslərin siyahısına salıb.

YeniAvropa xarici KİV-ə istinadla xəbər verir  ki, Birləşmiş Ştatların Maliyyə Nazirliyi İrana qarşı yeni sanksiyaların tətbiq edildiyini açıqlayıb. Siyahıya İranın doqquz nəfər nüfuzlu dövlət və din xadiminin adları daxil edilib. Həmin şəxslərin arasında İran Silahlı Qüvvələrinin Baş Qərargah rəisi Məhəmməd Baqeri və İranın Ali Dini Rəhbərinin oğlu Müştəba Xameneinin də adları var.

İran Xarici İşlər Nazirliyinin rəsmi nümayəndəsi Abbas Müsəvi bu məsələyə rəsmi Tehranın münasibətini bildirib. O deyib ki, ABŞ regionda siyasi vəziyyəti gərginləşdirmək üçün bütün variantlardan istifadə edir. Yeni sanksiyaları mənasız adlandıran A.Müsəvi bildirib ki, həmin şəxslərin xaricdə heç bir sərvəti yoxdur.