logo

Cüdoçumuz Rəşid Məmmədəliyev Avropa çempionu oldu

21:45 02-11-2019 | icon 217
Cüdoçumuz Rəşid Məmmədəliyev Avropa çempionu oldu

Azərbaycan idmançısı Rəşid Məmmədəliyev Rusiyanın İjevsk şəhərində keçirilən 23 yaşadək cüdoçular arasında Avropa birinciliyinin qalibi adını qazanıb.

 YeniAvropa xəbər verir ki, yarışın ikinci günündə Rəşid Məmmədəliyev (73 kq) bütün rəqiblərini məğlub edərək finala vəsiqəni təmin edib. O, həlledici qarşılaşmada Rusiya təmsilçisi Ayub Xacaliyevi məğlub edərək qitə birinciliyinin qalibi olub.

Xatırladaq ki, bu, komandamızın Avropa birinciliyində qazandığı ikinci medaldır. Yarışların birinci günündə 66 kiloqram çəki dərəcəsində mübarizə aparan Nurlan Osmanov gümüş medalı aktivinə yazdırıb.

Avropa birinciliyində 33 ölkədən 235 idmançı (135 kişi, 100 qadın) mübarizə aparır. Ölkəmiz yarışa 9 cüdoçu ilə qatılıb.