İŞİD terror təşkilatı lideri Əbu Bəkr əl-Bağdadinin öldürülməsi xəbərini təsdiqləyib və onun “varisinin” adını açıqlayıb.
YeniAvropa "Reuters" agentliyinə istinadla xəbər verir ki, bu barədə qruplaşma ilə əlaqəli olan "Amaq" saytı məlumat yayıb. Məlumata görə, təşkilat Abu İbrahim əl- Haşimi əl-Kuraşini yeni lider təyin edib.
Qeyd edək ki, ABŞ prezidenti Donald Tramp bir qədər əvvəl elan etmişdi ki, Amerika hərbçiləri əl-Bağdadinin yerinə bir nömrəli namizədi də öldürüblər. Lakin Ağ evin başçısı həmin şəxsin adını və nə vaxt öldürüldüyünü açıqlamayıb.
Xatırladaq ki, ötən həftənin sonunda İŞİD lideri Əbu Bəkr əl-Bağdadinin Suriyanın İdlib əyalətində xüsusi əməliyyat zamanı öldürüldüyü bildirilib.
2492
2492
